మెగాస్టార్ వర్సెస్ దళపతి !

టాలీవుడ్ లో సంక్రాంతి సీజన్ కి మంచి క్రేజ్ ఉంది. ఈ ఫెస్టివల్ కి సినిమా రిలీజ్ చేస్తే మినిమం కలెక్షన్స్ అవలీలగా రాబట్టొచ్చు. అందుకే ఏడాది ముందు నుండే ఈ సంక్రాంతి రేస్ లో తమ సినిమాలను లైన్లో పెడుతుంటారు దర్శక నిర్మాతలు. దిల్ రాజు నిర్మాణంలో వంశీ పైడిపల్లి దర్శకత్వంలో విజయ్ నటిస్తున్న ‘వారసుడు’ ని సంక్రాంతి పోటీ లో దింపారు. తాజాగా వైష్ణవ్ తేజ్ మాస్ సినిమా కూడా సంక్రాంతి రిలీజ్ అంటూ ఎనౌన్స్ చేశారు. ఇప్పుడు పొంగల్ రేస్ లోకి సడెన్ గా ఎంట్రీ ఇచ్చాడు మెగా స్టార్. బాబీ డైరెక్షన్ లో తెరకెక్కుతున్న పక్కా కమర్షియల్ మాస్ సినిమా ‘వాల్తేరు వీరయ్య'(వర్కింగ్ టైటిల్) ను 2023 సంక్రాంతికి ఎనౌన్స్ చేశారు.

దీంతో వైష్ణవ్ తేజ్ సినిమా పోస్ట్ పోన్ చేసుకోక తప్పేలా లేదు. ఇంకా మేకర్స్ ప్రకటించలేదు కానీ సినిమా వాయిదా పడటం ఖాయం. ఇక మిగిలింది విజయ్ సినిమా. ఇక్కడి లానే తమిళనాడులో కూడా సంక్రాంతి సీజన్ కి మంచి మార్కెట్ ఉంది. అందుకే ముందే సంక్రాంతి స్లాట్ ని బుక్ చేసుకున్నారు దిల్ రాజు. అయితే ఇప్పుడు చిరుతో విజయ్ పోటీ పడకతప్పదు.

ప్రస్తుతానికయితే చిరు , విజయ్ ఇద్దరూ బడా సినిమాలతో సంక్రాంతి పోటీలో నిలిచారు. మిగతా బడా సినిమాలు కూడా సీన్లోకి వస్తే పోటీ మరింత పెద్దదవుతుంది. బాలయ్య సినిమాను కూడా సంక్రాంతి కి రిలీజ్ చేయాలని ప్లానింగ్ జరుగుతుంది. మరి బాలయ్య రంగంలోకి దిగితే మరోసారి టాలీవుడ్ లో మెగా వర్సెస్ నందమూరి హాట్ టాపిక్ అవుతుంది. ప్రస్తుతానికయితే మెగాస్టార్ వర్సెస్ దళపతి పోటీ మాత్రమే న్యూస్ లో ఉంది.