‘అంటే’ నాని మాట తప్పినట్లేనా ?

ప్రస్తుతం థియేటర్స్ వర్సెస్ ఓటీటీ ట్రెండ్ నడుస్తుంది. థియేటర్స్ లో రిలీజయ్యే సినిమాలను ఓటీటీలో రిలీజయ్యాక చూడొచ్చనే ధీమాతో ఉంటున్నారు ప్రేక్షకులు. అందుకే నిర్మాతలు జాగ్రత్త పడుతున్నారు. ఓటీటీ సంస్థతో ఒప్పందం తాలూకు వివరాలు బయటికి రాకుండా దాచేస్తున్నారు. ఒకవేళ సోషల్ మీడియాలో న్యూస్ వచ్చేసిన లేదంటూ కొట్టిపారేస్తున్నారు. తాజాగా అంటే సుందరానికీ విషయంలో అదే జరిగింది.

రిలీజ్ కి ముందే సినిమా ఓటీటీ ఒప్పందం బయటికి వచ్చేసింది. జులై 1న ఓటీటీ లో రిలీజ్ అంటూ న్యూస్ చక్కర్లు కొట్టింది. దీంతో మేకర్స్ కాదని క్లారిటీ ఇవ్వాల్సి వచ్చింది. నాని కూడా ఈ విషయం పై స్పందించాడు. జులై 1న ఓటీటీ రిలీజ్ అనే వార్తను కొట్టి పారేశాడు. అంత త్వరగా సినిమా రాదని అవన్నీ రూమర్స్ అంటూ ధీమాగా చెప్పుకున్నాడు. కట్ చేస్తే ఇప్పుడు అంటే సుందరానికీ జులై8 న నెట్ఫ్లిక్స్ లో రానుందనే ప్రచారం జరుగుతుంది. ఇంకా ముందే వచ్చే అవకాశం కూడా ఉందని అంటున్నారు. అంటే జులై మొదటి వారంలోనే నాని సినిమా ఓటీటీ లో వచ్చేయనుందన్నమాట.

ప్రస్తుతానికయితే దీనిపై నెట్ఫ్లిక్స్ నుండి ఎలాంటి అనౌన్స్ మెంట్ లేదు. డైరెక్ట్ గా స్ట్రీమింగ్ చేసినా ఆశ్చర్య పోనక్కర్లేదు. మరి ప్రచారంలో ఉన్నట్టే సినిమా జులై మొదటి వారంలో ఓటీటీ లో వచ్చేస్తే నాని మాట తప్పినట్లే అవుతుంది. మరి ఇలా నెలలోపే సినిమా డిజిటల్ స్ట్రీమింగ్ అయితే ఇక ప్రేక్షకులు థియేటర్స్ కి రావడం కష్టమే.