నందమూరి బాలకృష్ణ కెరీర్ గత ఆరు నెలల్లో ఊహించని టర్న్ తీసుకుంది. యన్.టి.ఆర్-కథానాయకుడు, యన్.టి.ఆర్-మహానాయకుడు, రూలర్ చిత్రాలతో బాగా డీలా పడిపోయి, ఇక మళ్లీ పుంజుకోవడం కష్టం అనుకున్న టైంలో ‘అఖండ’తో ఆయన బాక్సాఫీస్ దగ్గర చేసిన బీభత్సానికి అందరూ షాకైపోయారు. దాని కంటే ముందు ‘అన్ స్టాపబుల్’ షోతో ఆయన చేసిన సందడి అంతా ఇంతా కాదు.
మామూలుగా బయట మాట్లాడేటపుడు బాలయ్యకు ఎంతగా మాట తడబడుతుందో తెలిసిందే. ఈ నేపథ్యంలో ఆయన ఒక టాక్ షో చేస్తాడని ఎవరూ ఊహించలేదు. కానీ ‘అన్స్టాపబుల్’తో ఆయన పెద్ద షాకే ఇచ్చాడు. ఈ షోలో బాలయ్య చూపించిన ఎనర్జీ అన్ మ్యాచబుల్ అనే చెప్పాలి. అభిమానులతో పాటు సామాన్య ప్రేక్షకులకు కూడా ఒక కొత్త బాలయ్యను చూపించింది ఈ షో. టైటిల్కు తగ్గట్లే ‘అన్ స్టాపబుల్’ అనిపిస్తూ ఎపిసోడ్ ఎపిసోడ్కూ మరింతగా ఇంప్రెస్ చేస్తూ జనాలను ఆకట్టుకున్నాడు బాలయ్య.
ఈ షో వల్ల బాలయ్యకు.. అలాగే ‘ఆహా’కు గొప్ప ప్రయోజనమే చేకూరింది. తొలి సీజన్లో పది ఎపిసోడ్లకు పైగానే నడిచిన ఈ షోకు తెరపడుతున్నపుడు అందరూ చాలా ఫీలయ్యారు.. అప్పుడే అయిపోయిందా అని. ఐతే ఇంత సక్సెస్ అయిన షోకు ఎండ్ కార్డ్ పడిపోతుందని ఎవరూ అనుకోలేదు. అనుకున్నట్లే ఇప్పుడు ఈ షో తిరిగి రాబోతోంది.
‘ఆహా’ నిర్వహించిన తెలుగు ఇండియన్ ఐడల్ షోకు అతిథిా వచ్చిన బాలయ్యను సింగర్ శ్రీరామచంద్ర ‘అన్ స్టాపబుల్’ గురించి అడిగాడు. దానికాయన బదులిస్తూ.. ‘‘మధుర క్షణాలకు ముగింపు ఉండదు, కొనసాగింపే’’ అని బదులిచ్చారు. ఈ కామెంట్తోనే ఆహా వారు ‘అన్స్టాబపుల్-2’ గురించి అనౌన్స్మెంట్ ఇచ్చారు. అతి త్వరలోనే రెండో సీజన్ మొదలు కాబోతున్నట్లు తెలుస్తోంది. తొలి సీజన్లో మహేష్ బాబు, రాజమౌళి, మోహన్ బాబు, రవితేజ, నాని, బ్రహ్మానందం.. ఇలా చాలామంది ప్రముఖులతో బాలయ్య చేసిన సందడి అంతా ఇంతా కాదు. మరి రెండో సీజన్లో బాలయ్యతో కలిసి హంగామా చేసే తారలెవరో చూడాలి.
This post was last modified on June 21, 2022 12:07 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…