సమ్మతమే సైలెన్స్ ఎందుకో

పెద్ద స్టారా చిన్న హీరోనా అనేది అనవసరం. బడ్జెట్ తో సంబంధం లేకుండా ప్రమోషన్ సినిమాలకు ఎంత పెద్ద హెల్ప్ అవుతోందో ప్రత్యక్షంగా చూస్తున్నాం. కమల్ హాసన్ అంతటి వాడే కేవలం పది రోజుల వ్యవధిలో విక్రమ్ కోసం రెండుసార్లు హైదరాబాద్ వచ్చి ఈవెంట్లో పాల్గొనడమంటే మాములు విషయం కాదు. పబ్లిసిటీకున్న ప్రాముఖ్యత అది. ఫ్లాప్ అయితే ఎంతో కొంత రాబట్టుకోవాలన్నా, హిట్ అయితే ఇంకో రెండు వారాలు వసూళ్లు స్టడీగా వచ్చేలా చేయాలన్నా ప్రమోషన్లు చాలా కీలకం. దీనికి స్టార్ డంతో ముడిపెట్టలేం.

అలాంటిది ఇంకో రెండు వారాల్లో విడుదల పెట్టుకుని సైలెంట్ గా ఉండటం సమ్మతమే విషయంలో ఆశ్చర్యం కలిగిస్తోంది. చాలా రోజుల క్రితమే అఫీషియల్ గా జూన్ 24 రిలీజ్ ఉంటుందని ప్రకటించారు. కానీ ఎందుకో ఉన్నట్టుండి సైలెంట్ అయ్యారు. ఎస్ఆర్ కళ్యాణ మండపం తర్వాత కిరణ్ అబ్బవరం రేంజ్ పెరిగిపోయింది. ఏకంగా ఏడెనిమిది సినిమాలు ఒప్పేసుకుని మోస్ట్ బిజీ యూత్ హీరోగా మారిపోయాడు. సెబాస్టియన్ డిజాస్టర్ అయినప్పటికీ ఇంకో సక్సెస్ వస్తే ఈజీగా మార్కెట్ ని మళ్ళీ కంట్రోల్ లోకి తీసుకోవచ్చు.

ఇలాంటి పరిస్థితుల్లో సమ్మతమే ఇంత సైలెంట్ గా ఉండటం వాయిదానే అనుమానం రేకెత్తిస్తోంది. ఎక్కువగా వెబ్ సిరీస్ లలో కనిపిస్తున్న చాందిని చౌదరి ఇందులో హీరోయిన్ కాగా గోపినాథ్ రెడ్డి దర్శకుడిగా పరిచయమవుతున్నారు. టీజర్ తో పాటు శేఖర్ చంద్ర పాటలకు రెస్పాన్స్ బాగానే వచ్చింది. ఎలాగూ 23న రామ్ గోపాల్ వర్మ కొండా తప్ప బాక్సాఫీస్ వద్ద ఏ పోటీ లేదు. మళ్ళీ జులైకి వెళ్ళిపోతే కష్టం. వారానికో క్రేజీ మూవీ ప్యాక్ అయ్యి ఉంది. పైగా షూటింగ్ చివరి స్టేజిలో ఉన్న నేను మీకు బాగా కావలసిన వాడిని, వినరో భాగ్యము విష్ణు కథలు సెప్టెంబర్ లోగా వచ్చేలా ప్లాన్ చేసుకుంటున్నాయి. మరి సమ్మతమే ముందు డేట్ కి కట్టుబడితేనే బెటర్.