బుజ్జిగాడు పంతం వీడినట్టే!

థియేటర్లు మూతపడి వంద రోజులు దాటిపోయింది. ఎప్పటికి తెరుచుకుంటాయనేది అసలు అర్ధం కాకుండా ఉంది. దీంతో ఇంతకాలం థియేటర్లలో విడుదల చేయాలని ఉంచిన సినిమాలను ఒక్కోటిగా ఓటిటీలో వదిలేస్తున్నారు. కృష్ణ అండ్ హిజ్ లీల చిత్రాన్ని నెట్ ఫ్లిక్స్ లో రిలీజ్ చేయగా స్పందన బాగుంది. దీంతో మరిన్ని చిత్రాలు ఈ బాట పడుతున్నాయి.

రాజ్ తరుణ్ సినిమా ఒరేయ్ బుజ్జిగా డిజిటల్ గా రిలీజ్ అవుతుందని ఎప్పటినుంచో వినిపిస్తోంది. అయితే అది చిన్న చూపుగా భావించి అప్పట్లో ఆ వార్తలను ఖండించారు. కానీ ఇప్పుడు బుజ్జిగాడు పంతం వీడినట్టే ఉన్నాడు. దగ్గర్లో రిలీజ్ కూడా లేకుండా ఈ చిత్రానికి మళ్ళీ ప్రమోషన్ స్టార్ట్ చేసారు.

ఇలా సడన్ గా ప్రమోషన్ మొదలు పెట్టిన సినిమాలన్నీ డిజిటల్ రిలీజ్ కి సిద్ధం అవుతున్నాయి కనుక ఈ చిత్రానికి ఆ లాంఛనమే మిగిలింది. మరి కొన్ని తెలుగు చిత్రాలు కూడా అతి త్వరలో ఓటిటీ ద్వారా విడుదల కాబోతున్నాయి.