తమన్నాతో గొడవ క్లారిటీ ఇచ్చిన అనిల్ రావిపూడి

కొన్ని సినిమాల సెట్స్ లో డైరెక్టర్ కి అలాగే యాక్టర్స్ కి మధ్య చిన్న చిన్న ఇష్యూస్ వస్తుంటాయి. తాజాగా ఎఫ్ 3 విషయంలో కూడా తమన్నా కి మేకర్స్ కి ఏదో గొడవ జరిగిందనే వార్త బయటికొచ్చింది. అందుకే తమన్నా ప్రమోషన్స్ లో కనిపించడం లేదని ఓ వార్త చక్కర్లు కొట్టింది. అయితే ఈ విషయంపై తాజాగా దర్శకుడు అనీల్ రావిపూడి స్పందించాడు. ఓ ఇంటర్వ్యూలో తమన్నా తో గొడవ గురించి క్లారిటీ ఇచ్చాడు.

నిజానికి ‘ఎఫ్ 3’ చాలా మంది ఆర్టిస్టులతో తీసిన సినిమా. ప్రతీ రోజు చాలా మంది ఆర్టిస్టులు సెట్స్ లో ఉండేవారు. ఇక కాంబినేషన్ సీన్స్ అంటే ఎవరొకరు అడ్జస్ట్ అవ్వాల్సి వస్తుంది. ఇచ్చిన టైం కంటే ఇంకాస్త ఎక్కువ పట్టొచ్చు. ఎఫ్ 3 షూటింగ్ లో ఒక రోజు మిగతా ఆర్టిస్టుల కాంబినేషన్ లో తమన్నా ఓ సీన్ చేయాల్సి ఉంది. అయితే అప్పటికే టైం అయిపోయిందని ఉదయాన్నే జిమ్ కి వెళ్లాలని తను వెళ్లిపోతానని ఖరాకండిగా చెప్పేసిందట. దాంతో అనిల్ రావిపూడి తమన్నాకి మధ్య చిన్న కన్వర్సేషణ్ జరిగిందట. రెండు మూడు రోజులు సెట్స్ లో ఈ ఇద్దరు ఎడముఖం పెడముఖం పెట్టుకున్నారట. కానీ మళ్ళీ అంతా సెట్ అయిపోయిందని అనిల్ రావిపూడి చెప్పుకున్నాడు. ఇక సినిమా ప్రమోషన్స్ లో తమన్నా కనిపించకపోవడానికి రీజన్ ఆమె మరో సినిమా షూటింగ్ లో బిజీగా ఉందని అందుకే రాలేదని తెలిపాడు.

అనిల్ చెప్పిన ఈ విషయంతో ఎఫ్ 3 ప్రమోషన్స్ లో తమన్నా ఎందుకు కనిపించలేదనే విషయంపై క్లారిటీ వచ్చేసింది. ఇక ఎఫ్ 4 లో హీరోయిన్స్ ని రిపీట్ చేయనని 90 % వాళ్ళు ఉండకపోవచ్చని అనిల్ అన్నాడు. వెంకీ , వరుణ్ లతో పాటు ఈసారి మరో హీరో కూడా ఉండేలా ప్లాన్ చేస్తున్నామని రెండు సినిమాల తర్వాత మళ్ళీ ఎఫ్ 4 ఫ్రాంచైజీ చేస్తానని చెప్పుకున్నాడు.