నాలుగోసారి జోడి కట్టనున్న సామ్

నాగచైతన్యతో విడాకులు తీసుకున్నాక కెరీర్ స్లో అవుతుందేమోనన్న అంచనాలకు భిన్నంగా సమంత వరస సినిమాలతో దూసుకుపోతోంది. ఒకపక్క పీరియాడిక్ డ్రామా శాకుంతలం, యశోద లాంటి ఫిమేల్ ఓరియెంటెడ్ సినిమాలు చేస్తూనే మరోపక్క క్రేజ్ ఉన్న రౌడీ హీరో విజయ్ దేవరకొండ ఖుషిలోనూ తనకు జోడిగా ఛాన్స్ కొట్టేసింది. పుష్ప పార్ట్ 1 లో చేసిన ఊ అంటావా ఊహూ అంటావా ఐటెం సాంగ్ తెచ్చిన పాపులారిటీ చిన్నది కాదు. ఇప్పటికీ తనకు స్టార్ హీరోల సరసన ఆఫర్స్ వస్తూనే ఉన్నాయి.

ఇటీవలే విక్రమ్ తో సెన్సేషనల్ బ్లాక్ బస్టర్ అందుకున్న లోకేష్ కనగరాజ్ దర్శకత్వంలో రూపొందబోయే విజయ్ 67వ సినిమాలో సామ్ హీరోయిన్ గా లాక్ అయినట్టు కోలీవుడ్ టాక్. ఇప్పటికి ఈ జంట మూడుసార్లు కనువిందు చేసింది. కత్తి ఆల్ టైం బ్లాక్ బస్టర్ కాగా తేరి అప్పటిదాకా ఉన్న రికార్డులను తుడిచిపెట్టింది. మెర్సల్ హిట్టు రేంజ్ గురించి తెలిసిందే. మొదటిది మినహాయించి మిగిలిన రెండూ తెలుగులోనూ డబ్ అయ్యాయి. పోలీసోడు పెద్దగా ఆడలేదు కానీ అదిరింది కమర్షియల్ గా సేఫ్ ప్రాజెక్ట్ అనిపించుకుంది.

వీటిలో ఒక్క ఫ్లాప్ లేదు. అందుకే నాలుగోసారి కాంబో అనగానే ఫ్యాన్స్ ఎగ్జైట్ అవుతున్నారు. ఇంకా అఫీషియల్ నోట్ రాలేదు కానీ సామ్ సైన్ చేసినట్టు తెలిసింది. విజయ్ ని ఆల్రెడీ మాస్టర్ తో డీల్ చేసిన లోకేష్ కనగరాజ్ అంతకు పదింతలు కొత్త సినిమాలో చూపిస్తానని హామీ ఇస్తున్నాడు. సో సామ్ కు మరో భారీ హిట్టు ఖాయం. పైన చెప్పిన సినిమాలతో పాటు ఒక హాలీవుడ్ మూవీ, ఫ్యామిలీ మ్యాన్ 2 డీల్ చేసిన రాజ్ అండ్ డికె దర్శకత్వంలో ఓ వెబ్ సిరీస్ చేస్తున్న సామ్ డైరీ మరో రెండేళ్ల దాకా ఖాళీ అయ్యే పరిస్థితి కనిపించడం లేదు.