సోషల్ మీడియాలో సెలబ్రెటీల మీద విషం కక్కే ఊరూ పేరూ లేని ట్విట్టర్ ఐడీలు చాలానే ఉంటాయి. ఐడెంటిటీ ఉండదు కాబట్టి ఎవరిని ఎంత మాటైనా అనేయొచ్చని ఫీలవుతుంటారు నెటిజన్లు. సెలబ్రెటీలకు ఇలాంటి వాళ్లను పట్టించుకునే తీరిక, ఓపిక ఉండదు కాబట్టి వాళ్ల బండి నడిచిపోతుంటుంది. కానీ కొందరు సెలబ్రెటీలు ఇలాంటి వాళ్లను ఊరికే వదలరు. కొందరు తీవ్ర పదజాలంతోనే సమాధానం ఇస్తుంటారు.
ఇంకొందరు సున్నితంగానే దీటైన జవాబిస్తుంటారు. కామెంట్ చేసిన వాళ్లు సిగ్తుతో తలదించుకునేలా చేస్తుంటారు. టాలీవుడ్ యువ నటుడు దగ్గుబాటి రానా కూడా అదే పని చేశాడు. తనను తక్కువ చేసి మాట్లాడిన ఓ నెటిజన్కు సున్నితమైన మాటలతోనే చెంపపెట్టు లాంటి సమాధానం చెప్పాడు.
రానా కొత్త సినిమా విరాటపర్వం నుంచి తాజాగా ఒక పోస్టర్ లాంచ్ చేశారు. అందులో రానా ముఖం కనిపించడం లేదు. అతడిని హత్తుకుని ఉన్న సాయిపల్లవినే హైలైట్ అయింది. ఆమె మీదే ఫోకస్ పెట్టారు పోస్టర్లో. ఇది చూపి ఒక నెటిజన్.. ఛీ దరిద్రం సొంత బేనర్లోనే ఫేస్ కట్ చేశారు. ఇక బయటి వాళ్లు వేలెత్తి చూపించడంలో తప్పేముందిలే. వాళ్ల వీళ్ల సినిమాల్లో తక్కువ క్యారెక్టర్స్ చేయడం అందరికీ లోకువ అయిపోవడం దగ్గుబాటి రానా స్టైల్ అని కామెంట్ చేశాడు.
రానా ఈ కామెంట్ను పట్టించుకోకుండా వదిలేయలేదు. అలాగని ఆ నెటిజన్ లాగా నోరు జారలేదు. మనం తగ్గి కథను హీరోయిన్న ఎలివేట్ చేయడంలో ఉండే కిక్కే వేరు బ్రదర్. సొంత బేనర్ కదా. గొప్ప పనులు ఇక్కడే చేయొచ్చు అని బదులిచ్చాడు. రానా ఇచ్చిన సమాధానంపై ప్రశంసల జల్లు కురిసింది. సదరు నెటిజన్ సిగ్గుపడేలా భలే జవాబిచ్చావంటూ అతడిని అందరూ కొనియాడుతున్నారు.
This post was last modified on June 4, 2022 7:51 am
ఇవాళ విడుదలవుతున్న సినిమాల్లో బాక్ అరణ్మయి 4 ఒకటి. మాములు తమిళ డబ్బింగ్ మూవీ అయితే ప్రత్యేకంగా చెప్పుకోనవసరం లేదు…
ఏపీలో సార్వత్రిక ఎన్నికలు అంటే..అసెంబ్లీ+పార్లమెంటు ఎన్నికలు ఈ నెల 13న జరగనున్నాయి. అయితే.. రాష్ట్రంలోని 175 అసెంబ్లీ నియోజకవర్గాల్లో కొన్ని…
మాములుగా ఒక వెబ్ సిరీస్ గురించి సినిమా ప్రేక్షకులు ఎదురు చూడటం తక్కువ. కానీ హీరామండి ఈ విషయంలో తన…
ఇవాళ హరిహర వీరమల్లు కొత్త టీజర్ రిలీజ్ చేసి ఇకపై దర్శకత్వ బాధ్యతలు జ్యోతికృష్ణ చూసుకుంటాడని అధికారికంగా ప్రకటించడం అభిమానుల్లో…
టీడీపీ అధినేత చంద్రబాబు ప్రస్తుతం రాష్ట్ర వ్యాప్తంగా పర్యటిస్తున్నారు. సార్వత్రిక ఎన్నికల నేపథ్యంలో ఆయన విస్తృతంగా ప్రచారం చేస్తున్నారు. అటు…
బండ్ల గణేష్ ఆలియాస్ బ్లేడ్ గణేష్. నిజమే ఈ కమేడియన్ పేరు వింటే మొదటగా గుర్తొచ్చేది 7 ఓ క్లాక్…