Movie News

కంగనాకు బాక్సాఫీస్ పరాభవం

ఆర్టిస్ట్ గా కంగనా రౌనత్ నటనకు ఎవరూ వంకలు పెట్టరు కానీ లేనిపోని వివాదాల్లో తలదూర్చి తనను తాను ఫైర్ బ్రాండ్ గా చూపించుకునే ప్రయత్నం అప్పుడప్పుడు బూమరాంగ్ లా వెనక్కు కొడుతుంది. ఎవరేమనుకున్నా తన దారి తనదే అనేలా సాగే ఈ మణికర్ణిక బ్యూటీ కొత్త సినిమా డాఖడ్ గత వారం విడుదలైన సంగతి తెలిసిందే.

సుమారు 90 కోట్ల బడ్జెట్ తో రూపొందిన ఈ యాక్షన్ ఎంటర్టైనర్ మీద కంగనా ముందు నుంచి చాలా నమ్మకాన్ని వ్యక్తం చేస్తూ వచ్చింది. ఓటిటి ఆఫర్లు వచ్చినా నో చెప్పి పంపించేసింది. కట్ చేస్తే మార్నింగ్ షో నుంచే డిజాస్టర్ టాక్ మూటగట్టుకున్న ఈ డాఖడ్ రోజురోజుకి మరీ దారుణంగా పెర్ఫార్మ్ చేస్తోంది. నిన్న దేశవ్యాప్తంగా కేవలం 4 వేల 440 రూపాయల కలెక్షన్ వచ్చిందంటేనే పరిస్థితి ఎంత ఘోరంగా ఉందో అర్థం చేసుకోవచ్చు.

బాలీవుడ్ బిగ్గెస్ట్ ఫ్లాప్స్ లో ఒకటిగా నిలిచేందుకు డాఖడ్ పరుగులు పెడుతోంది. దాదాపు అన్ని చోట్ల థియేటర్ బయట, ఆన్ లైన్ లో పోస్టర్లు పెడుతున్నారు కానీ షోలు క్యాన్సిలైన దాఖలాలే అన్నీ. దెబ్బకు డిస్ట్రిబ్యూటర్లు లబోదిబోమంటూ నెత్తినోరు బాదుకుంటున్నారు.

సరే జరిగిందేదో జరిగింది ఇప్పుడు కొనమని డాఖడ్ టీమ్ ఓటిటిలకు కబురు పంపిస్తే ఒక్కళ్ళంటే ఒక్కరు స్పందించలేదట. ఎంత తక్కువైనా సరే తీసుకునే ఆసక్తి లేదని తేల్చి చెప్పేసారు.యుట్యూబ్ లో అప్లోడ్ చేస్తే ఎంతో కొంత డబ్బులు వస్తాయని యాంటీ ఫ్యాన్స్ కంగనాను ట్రోల్ చేస్తున్నారు. అసలే ఆర్ఆర్ఆర్, కెజిఎఫ్ 2, పుష్పల దెబ్బకు సినిమా ఏ మాత్రం యావరేజ్ గా ఉన్నా నార్త్ ఆడియన్స్ ఒప్పుకోవడం లేదు. అలాంటిది మినిమమ్ కంటెంట్ లేకుండా నాసిరకం సినిమాతో వస్తే ఈ రేంజ్ తిరస్కారం జరగడం సహజమే. 

This post was last modified on May 28, 2022 11:06 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

5 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

7 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

7 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

8 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

9 hours ago