ఎఫ్‌-4 ప‌క్కా.. ఇంకో స్టార్ హీరో కూడా

బాలీవుడ్లో గోల్ మాల్, ఢ‌మాల్, హౌస్ ఫుల్ లాంటి కామెడీ సినిమాల ఫ్రాంఛైజీలు చాలానే ఉన్నాయి. కానీ తెలుగులో ఈ ట్రెండ్ ముందు నుంచి లేదు. ఐతే ఎఫ్‌-2 సినిమా సూప‌ర్ హిట్ట‌వ‌డంతో ఇక్క‌డా ఇలాంటి ఫ్రాంఛైజీ మొద‌లైంది. దానికి కొన‌సాగింపుగా ఎఫ్‌-3 చేశారు. ఈ సినిమా విజ‌యం మీద చాలా న‌మ్మ‌కంగా ఉన్న ద‌ర్శ‌కుడు అనిల్ రావిపూడి, నిర్మాత దిల్ రాజు..

దీనికి కొన‌సాగింపుగా ఎఫ్‌-4 చేయ‌బోతున్న‌ట్లు ఇప్ప‌టికే సంకేతాలు ఇచ్చారు. ఐతే రాజు మాత్రం.. ఎఫ్‌-3 ఫ‌లితాన్ని బ‌ట్టే ఈ సినిమా ఉంటుంద‌ని చెప్ప‌గా, అనిల్ మాత్రం ఆ సినిమా ప‌క్కా అంటే ప‌క్కా అనే అంటున్నాడు. ఎఫ్‌-3 స‌క్సెస్ మీద అత‌డికున్న న‌మ్మ‌కం కూడా ఇందుకు కార‌ణం కావ‌చ్చేమో. అంతే కాక ఎఫ్‌-4లో ఇంకో స్టార్ హీరో కూడా యాడ్ కాబోతున్న‌ట్లు ముందే ప్ర‌క‌టించేశాడు అనిల్.

నిజానికి ఎఫ్‌-3లోనే ఇంకో స్టార్ హీరో ఉంటాడ‌ని, ఆ పాత్ర‌ను మాస్ రాజా ర‌వితేజ చేసే ఛాన్స్ అప్ప‌ట్లో వార్త‌లొచ్చాయి. ఐతే ఇది కేవ‌లం ప్ర‌చారం కాద‌ని, నిజంగానే ఎఫ్‌-3లో ఇంకో స్టార్ హీరోను యాడ్ చేయాల‌ని అనుకున్నామ‌ని, కానీ ఆ పాత్ర జోడించ‌కుండానే కావాల్సినంత ఫ‌న్ వ‌చ్చేయ‌డంతో, మ‌రో క్యారెక్ట‌ర్ అవ‌స‌రం లేద‌ని వ‌దిలేశామ‌ని అనిల్ తెలిపాడు.

కానీ ఎఫ్‌-4లో మాత్రం క‌చ్చితంగా ఇంకో స్టార్ హీరో యాడ్ అవుతాడ‌ని అనిల్ స్ప‌ష్టం చేశాడు. మ‌రి ఈ పాత్రను ర‌వితేజే చేస్తాడా.. ఇంకెవ‌రినైనా ఆ పాత్ర‌కు అనుకున్నారా అన్న‌ది చూడాలి. మీడియం బ‌డ్జెట్లో తెర‌కెక్కిన‌ ఎఫ్‌-2 అప్ప‌ట్లో రూ.80 కోట్ల‌కు పైగా షేర్ క‌లెక్ట్ చేయ‌డంతో.. ఎఫ్‌-3కి బ‌డ్జెట్ రెట్టింపు చేశారు. ఈ చిత్రానికి రూ.80 కోట్ల మేర థియేట్రిక‌ల్ బిజినెస్ జ‌ర‌గ‌డం విశేషం. ఆ మేర షేర్ వ‌స్తేనే ఎఫ్‌-4 ముందుకు క‌దిలే అవ‌కాశ‌ముంది.