కోలీవుడ్ స్టార్ … సైలెంట్ ప్లాన్

ప్రస్తుతం కోలీవుడ్ లో బ్యాక్ టు బ్యాక్ సూపర్ హిట్స్ తో హంగామా చేస్తున్న శివ కార్తికేయన్ సైలెంట్ గా తెలుగు మార్కెటింగ్ మీద ఫోకస్ పెడుతున్నాడు. ఇప్పటికే ‘వరుణ్ డాక్టర్’ తో తెలుగు ప్రేక్షకులను ఎంటర్టైన్ చేసి హిట్ కొట్టిన ఈ హీరో తాజాగా ‘డాన్’ సినిమాతో తెలుగులో మరో హిట్ కొట్టాడు. ఈ రెండు డబ్బింగ్ సినిమాలతో తెలుగు ప్రేక్షకులకు బాగా దగ్గరైన శివ కార్తికేయ నెక్స్ట్ ‘జాతి రత్నాలు’ దర్శకుడు అనుదీప్ తో డైరెక్ట్ తెలుగు సినిమా చేస్తున్నాడు. తెలుగు , తమిళ్ బైలింగ్వెల్ గా ఆ సినిమా తెరకెక్కుతుంది.

నిజానికి కామెడీ సినిమాలకు ఎప్పుడూ ఆదరణ ఉంటుంది. అరవై శాతం నవ్విస్తే చాలు ఈ జోనర్ లో సూపర్ హిట్ కొట్టేయొచ్చు. అందుకే ఈ సక్సెస్ మంత్రాను నమ్ముకొని హీరోగా వరుస హిట్లు కొడుతున్నాడు శివ కార్తికేయన్. ఈ జోనర్ లో రీసెంట్ గా రెండు హిట్లు కొట్టిన ఈ హీరో నెక్స్ట్ కూడా హిలేరియస్ ఎంటర్టైనర్ సినిమాతోనే రాబోతున్నాడు. అనుదీప్ దర్శకుడిగా హిలేరియస్ సినిమా ప్లాన్ చేసుకొని టాలీవుడ్ మార్కెట్ మరింత పెంచుకోవాలని భావిస్తున్నాడు.

నిజానికి తమిళ్ హీరోల్లో కొందరికి మాత్రం తెలుగులో ఇప్పుడు మార్కెట్ ఉంది. ప్రస్తుతం సూర్య, విశాల్, కార్తి ఇలా కొందరు మాత్రమే ఇక్కడ మార్కెటింగ్ చేసుకుంటున్నారు. ఆ కోవలోకి సైలెంట్ గా ఎంట్రీ ఇచ్చాడు శివ కార్తికేయన్. మరి డబ్బింగ్ సినిమాతో టాలీవుడ్ లో మంచి వసూళ్ళు అందుకున్న ఈ యంగ్ హీరో డైరెక్ట్ సినిమాతో ఎలాంటి హిట్ అందుకుంటాడో చూడాలి.