శుక్రవారం వస్తోందంటే థియేటర్లు కొత్త సినిమాల కోసం ముస్తాబైపోతాయి. మామూలుగా వేసవిలో ప్రతి వీకెండ్లోనూ మంచి క్రేజున్న సినిమాలు రిలీజవుతుంటాయి. ఎందుకోగానీ ఈ శుక్రవారం మాత్రం అలాంటి సందడేమీ కనిపించడం లేదు. గత వారం సర్కారు వారి పాట లాంటి భారీ చిత్రం రిలీజవడం.. తర్వాతి వారానికి ఎఫ్-3 లాంటి క్రేజీ సీక్వెల్ షెడ్యూల్ అయి ఉండడంతో మధ్యలో రావడానికి పేరున్న చిత్రాలు భయపడినట్లున్నాయి.
రాజశేఖర్ సినిమా శేఖర్తో పాటు బండ్లగణేష్ మూవీ డేగల బాబ్జీ, సంపూర్ణేష్ బాబు చిత్రం దగడ్ సాంబ ఈ వారం థియేటర్లలోకి దిగబోతున్నాయి. వీటిలో శేఖర్ చెప్పుకోదగ్గ స్థాయిలో రిలీజవుతోంది కానీ.. దానికి పెద్దగా క్రేజ్ లేదు. మిగతా రెండు చిత్రాల గురించి చెప్పడానికేమీ లేదు. ఇక గత వారం రిలీజైన సర్కారు వారి పాట వీకెండ్ తర్వాత చల్లబడిపోయింది. వీక్ డేస్లో మరీ వీక్గా నడుస్తోంది. రెండో వీకెండ్లో ఏమాత్రం పుంజుకుంటుందో చూడాలి.
మొత్తంగా చూస్తే ఈ వీకెండ్లో థియేటర్లలో పెద్దగా సందడి నెలకొనే అవకాశం లేదు. ఐతే ఈ వారాంతంలో ఓటీటీల్లో మాత్రం క్రేజీ సినిమాలు రిలీజ్ కాబోతున్నాయి. ఈ మధ్య కాలంలో ఎన్నడూ లేనంత సందడి ఓటీటీల్లో ఈ వీకెండ్లో చూడబోతున్నాం. మలయాళంలో మోహన్ లాల్ దృశ్యం దర్శకుడితో చేసిన ట్వల్త్ మ్యాన్ హాట్ స్టార్ ద్వారా నేరుగా రిలీజ్ కాబోతోంది. మరోవైపు ఓటీటీ ప్రేక్షకులు ఎంతో ఉత్కంఠగా ఎదురు చూస్తున్న ఆర్ఆర్ఆర్ స్ట్రీమింగ్ ఈ శుక్రవారమే జీ5లో మొదలు కాబోతోంది. ఐతే ఆ రోజు పడేది పెయిడ్ ప్రిమియర్సే. కొన్ని వారాలు ఇలా నడిపించి.. తర్వాత సబ్స్క్రైబర్లు ఫ్రీగా చూసే అవకాశం కల్పించనున్నారు.
మరోవైపు మెగాస్టార్ చిరంజీవి సినిమా ఆచార్య 20నే అమేజాన్ ప్రైమ్ ద్వారా రిలీజవుతోంది. థియేటర్లలో విడుదలైన మూడు వారాలకే ఆ సినిమాను ప్రైమ్లో వదిలేస్తున్నారు. ఇక ఇదే రోజు శ్రీ విష్ణు లేటెస్ట్ రిలీజ్ భళా తందనాన హాట్ స్టార్లోకి వస్తుండగా.. హిందీ జెర్సీ నెట్ప్లిక్స్లో స్ట్రీమ్ కాబోతోంది. ఆల్రెడీ కేజీఎఫ్-2 పెయిడ్ ప్రిమియర్స్తో ప్రైమ్లో సందడి చేస్తున్న సంగతి తెలిసిందే.
This post was last modified on May 19, 2022 8:30 am
చేవెళ్ల బీజేపీ ఎంపీ అభ్యర్థి కొండా విశ్వేశ్వర్ రెడ్డికి పెద్ద చిక్కొచ్చి పడింది. ఈవీఎంలో ఆయన గుర్తు 2వ నెంబర్…
దర్శకుడు ఎస్వీ కృష్ణారెడ్డి తీసిన ఓ సినిమాలో నటించిన రోజా.. రంగుపడుద్ది అనే డైలాగుతో అలరించారు. అయితే..ఇప్పుడు ఆమెకు నిజంగానే…
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…