బాలీవుడ్లో కథలు పూర్తిగా అడుగంటిపోతున్నట్లున్నాయి. కొన్నేళ్లుగా వాళ్లు ప్రధానంగా రీమేక్ల మీదే ఆధారపడుతున్నాయి. వాటికే ఎక్కువ ఆదరణ దక్కుతుండటం కూడా వాటి పట్ల బాలీవుడ్ జనాలకు మోజు పెరగడానికి కారణం కావచ్చు. ఐతే రీమేక్ చేసినా.. కాస్త విషయం ఉన్న సినిమాలు, ప్రత్యేకమైనవి, కొత్తదనం ఉన్నవి ఎంచుకుంటే ఒక లెక్క. కానీ కమర్షియల్గా తెలుగులో బాగా ఆడింది కదా అని.. ఎంసీఏ అనే అతి సాధారణమైన సినిమాను కూడా హిందీ జనాలు వదలకపోవడమే ఆశ్చర్యం కలిగించే విషయం.
నాని హీరోగా వేణు శ్రీరామ్ రూపొందించిన ఎంసీఏకు విమర్శకుల నుంచి తిరస్కారం ఎదురైంది. నాని అప్పుడు సూపర్ ఫాంలో ఉండడం, సాయిపల్లవితో అతడికి మంచి కాంబినేషన్ కుదరడం, పాటలు బాగుండటంతో సినిమాకు హైప్ వచ్చింది. మంచి ఓపెనింగ్స్ వచ్చాయి. కానీ నాని కెరీర్లో చాలా మామూలు సినిమాల్లో ఇదొకటనడంలో సందేహం లేదు.
ఇలాంటి సినిమాను హిందీలో రీమేక్ చేయడం ఆశ్చర్యం కలిగించే విషయం. అభిమన్యు అనే కొత్త నటుణ్ని పెట్టి హీరోపంటి, బాగి చిత్రాల దర్శకుడు సబ్బీర్ ఖాన్ ఎంసీఏను రీమేక్ చేశాడు. ఆ సినిమా పేరు.. నికమ్మ. ఒరిజినల్లో భూమిక చేసిన వదిన పాత్రను హిందీలో శిల్పా శెట్టి చేసింది. సాయిపల్లవి పాత్రలో కృష్ణ వ్రింద విహారి హీరోయిన్ షెర్లీ నటించింది. జూన్ 17న ఈ చిత్రం ప్రేక్షకుల ముందుకు రానున్న నేపథ్యంలో తాజాగా ట్రైలర్ లాంచ్ చేశారు.
అది మరీ పేలవంగా ఉండడంతో ఇంటర్నెట్లో ట్రోల్స్ తప్పట్లేదు. ట్రైలర్ కట్ విషయంలో ఏమాత్రం శ్రద్ధ పెట్టకపోవడం.. శిల్పా శెట్టిని పూర్గా ప్రెజెంట్ చేయడంతో అందరూ నెగెటివ్ కామెంట్లే చేస్తున్నారు. ఇమేజ్ లేని హీరోతో భారీ ఫైట్లు చేయించడం అతిగా ఉంది. పేరున్న హీరోలు చేసిన సినిమాలే హిందీలో తుస్సుమనిపిస్తుంటే.. ఇలాంటి సినిమా ఏం ఆడుతుందో చూడాలి మరి.
This post was last modified on May 18, 2022 8:01 am
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…