NTR30 ఫస్ట్ లుక్ వస్తోంది

‘ఆచార్య’ తో ఫర్ ది ఫస్ట్ టైం డిజాస్టర్ చవి చూశాడు కొరటాల. ఆ సినిమా రిలీజ్ తర్వాత మళ్ళీ మీడియా ముందుకు రాలేదు. ప్రస్తుతం ఎన్టీఆర్ తో తను తీయబోతున్న సినిమాకు సంబంధించి వర్క్ చేస్తున్నాడు. మరో మూడు రోజుల్లో మే 20న ఎన్టీఆర్ పుట్టిన రోజు రాబోతుంది. ఈ సందర్భంగా సినిమాకు సంబంధించి అప్ డేట్ ఉంటుందని హింట్ ఇచ్చాడు కొరటాల. ప్రస్తుతం దాని మీదే వర్క్ చేస్తున్నాడు. తారక్ బర్త్ డే రోజు NTR30 లుక్ పోస్టర్ రిలీజ్ చేసే ఆలోచనలో ఉన్నాడు కొరటాల. ప్రెజెంట్ ఓ లుక్ తో పోస్టర్ డిజైనింగ్ చేయిస్తున్నాడట. ఇటివలే తారక్ లుక్ టెస్ట్ చేసి లాక్ చేసుకున్నారు. అందులో నుండి ఓ స్టిల్ పోస్టర్ తో రిలీజ్ చేయబోతున్నారని తెలుస్తుంది.

ఎన్టీఆర్ – కొరటాల శివ కాంబినేషన్ లో వచ్చిన ‘జనతా గ్యారేజ్’ లో ఎన్టీఆర్ లుక్ కి ఫిదా అయ్యారు ఫ్యాన్స్. చెక్ షర్ట్స్ వేసుకొని బియర్డ్ స్టైలిష్ లుక్ లో కనిపించాడు ఎన్టీఆర్. ఇప్పుడు ఈ కాంబోలో రాబోయే సినిమాలో తారక్ లుక్ ఎలా ఉంటుందా అంటూ వెయిట్ చేస్తున్నారు ఫ్యాన్స్. కొరటాల కూడా దీని కోసం ప్రత్యేక శ్రద్ధ తీసుకున్తున్నాడట. ఎన్టీఆర్ ని ఇంకా స్టైలిష్ గా చూపించే ప్రయత్నం చేస్తున్నాడట.

అయితే కొరటాల ఎన్టీఆర్ ని ఎలా ప్రెజెంట్ చేస్తున్నాడు ? తారక్ లుక్ ఎలా ఉండబోతుంది ? వీటన్నిటికి మూడు రోజుల్లో క్లారిటీ రానుంది. మిక్కిలినేని సుధాకర్ నిర్మించనున్న ఈ సినిమాలో ఎన్టీఆర్ సరసన రష్మిక హీరోయిన్ గా నటించనుందని సమాచారం. విలన్ ఇంకా ఫైనల్ అవ్వలేదు. అనిరుద్ మ్యూజిక్ ఇచ్చే అవకాశం ఉంది.