కొడుకు మీద ప్రేమతో కొందరు తండ్రులు నిర్మాతగా మారి నష్టపోతున్న సంగతి తెలిసిందే. ఎలాగైనా కొడుకుని హీరోగా నిలబెట్టాలని కోట్లు ఖర్చు పెడుతున్న నిర్మాతల్లో ఎమ్మెస్ రాజు ఒకరు. నిజానికి ఒకప్పుడు ఎమ్మెస్ రాజు పట్టిందల్లా బంగారమే. నిర్మాతగా కొన్ని నష్టాలు చూసినా ఎక్కువ శాతం సక్సెస్ అందుకున్నారు. ఒక టైంలో ఎమ్మెస్ రాజు నిర్మాణంలో ఒక్క సినిమా అయినా చేయాలనుకునే హీరోలెందరో. అయితే ఇప్పుడు కాలంతో పాటు ఆయన చరిష్మా కూడా మారిపోయింది. వరుసగా ఫ్లాపులు అందుకొని ఫైనల్ గా డైరెక్టర్ కం నిర్మాతగా చిన్న చిన్న సినిమాలు చేస్తూ కొడుకుని హీరోగా నిలబెట్టే ప్రయత్నం చేస్తున్నాడు.
కొన్నాళ్ళ క్రితం ఎమ్మెస్ రాజు దర్శకుడిగా మారి కొడుకు సుమంత్ ని హీరోగా పరిచయం చేస్తూ ‘తునీగా తునీగా’ అనే సినిమా తీశాడు. దిల్ రాజుతో కలిసి ఆ సినిమాను స్వయంగా నిర్మించారు కూడా. ఆ సినిమా ఆశించిన ఫలితం అందుకోలేకపోయింది. అప్పటి నుండి కొడుకుతోనే మళ్ళీ మళ్ళీ సినిమాలు చేస్తూ డైరెక్టర్ కం నిర్మాతగా కొనసాగుతున్నాడు రాజు.
ఆ మధ్య ‘డర్టీ హరి’ అంటూ ఓ అడల్ట్ కంటెంట్ సినిమా తీశాడు రాజు. ఒకప్పుడు హనీ బాబుగా ఎంతో గౌరవం తెచ్చుకున్న రాజు గారు ఇలాంటి సినిమా చేయడం ఏమిటి ? డబ్బు కోసమేనా ? అంటూ ఇండస్ట్రీలో మాట్లాడుకున్నారు. ఆ సినిమా థియేటర్స్ లో ఒకే అనిపించుకొని OTT లో హిట్టయింది. నిర్మాతగా ఆ సినిమాతో కాస్త బిజినెస్ చేసుకొని కొంత లాభం పొందారు. మళ్ళీ తన కొడుకుని హీరోగా పెట్టి ‘7 డేస్ 6 నైట్స్’ అంటూ అదే తరహా అడల్ట్ సినిమా ప్లాన్ చేసి రిలీజ్ కి రెడీ చేశాడు.
ఇప్పుడు ఆ సినిమా రిలీజ్ అవ్వకుండానే మళ్ళీ సుమంత్ హీరోగా తన డైరెక్షన్ లో ‘సతి’ అనే సినిమా ఎనౌన్స్ చేశాడు ఎమ్మెస్ రాజు. హీరోయిన్ మెహర్ చాహల్ చేతిని పట్టుకొని సుమంత్ మాస్ గెటప్ తో జాతరలో నడుచుకుంటూ వస్తున్న స్టిల్ తో ఓ ఫస్ట్ లుక్ రిలీజ్ చేశారు. మిగతా డీటెయిల్స్ ఏమి చెప్పలేదు కానీ కొంత పార్ట్ షూట్ చేసేశారని తెలుస్తుంది. మరి రాజు గారు ఈ సినిమాతో అయినా కొడుకు సుమంత్ కి దర్శకుడిగా ఓ సూపర్ హిట్ అందిస్తారా ? చూడాలి.
This post was last modified on May 10, 2022 12:54 pm
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
రాష్ట్ర వ్యాప్తంగా కాదుకానీ.. ప్రస్తుతం జరుగుతున్న గ్రామ పంచాయతీ ఎన్నికల విషయంలో వైసీపీ స్థానిక నేతలు పన్నిన వ్యూహానికి టీడీపీ…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…