వందలు వేల కోట్ల పెట్టుబడి ఉంటే తప్ప ఓటీటీ ఫ్లాట్ ఫామ్ పెట్టడం సాధ్యం కాదనుకుంటున్న సమయంలో.. కేవలం తెలుగు వరకు ప్రత్యేకంగా తక్కువ పెట్టుబడితో ఓటీటీ పెట్టి అందరినీ ఆశ్చర్యానికి గురి చేశారు అల్లు అరవింద్.
ఐతే గీతా ఆర్ట్స్ నిర్మాణంలో తెరకెక్కిన చిత్రాలు, ఇంకేవో కొన్ని చిన్న సినిమాలు పెట్టుకుని ఓటీటీని నడిపి సక్సెస్ కావడం సాధ్యమా అని సందేహించిన వారికి ఆయన దీటైన సమాధానమే ఇచ్చారు. కరోనా టైంలో నెమ్మదిగా కంటెంట్ పెంచుతూ, తెలివిగా కొత్త సినిమాలు, వెబ్ సిరీస్లను దించుతూ ఆహాను భలేగా జనాల్లోకి తీసుకెళ్లారు.
ఇప్పుడు పెద్ద పెద్ద స్ట్రీమింగ్ జెయింట్స్కు దీటుగా నిలబడే స్థితికి చేరుకుంది ఆహా. తెలుగు వరకు ఇప్పుడు టాప్ ఓటీటీల్లో ఆహా ఒకటి. ఈ ఊపులో ఇక తమిళం మీద కన్నేశారు అల్లు వారు. ఆహాను తమిళంలో కూడా లాంచ్ చేయడానికి కొంత కాలంగా సన్నాహాలు జరుగుతున్న సంగతి తెలిసిందే.
లాంచింగ్కు ముందే ఆహాను ప్రమోట్ చేసిన తీరు తమిళులను ఆకట్టుకుంది. ఇక ఆరంభోత్సవ వేడుక మామూలుగా చేయలేదు అల్లు వారు. ఏకంగా తమిళనాడు సీఎం స్టాలిన్నే ముఖ్య అతిథిగా తీసుకురాగలిగారు. అలాగే భారతీరాజా లాంటి దిగ్గజాన్ని కూడా రప్పించారు. మరోవైపు స్టార్ హీరో శింబు, మ్యూజికల్ సెన్సేషన్ అనిరుధ్ రవిచందర్లను బ్రాండ్ అంబాసిడర్లుగా పెట్టుకున్నారు. ఆరంభ వేడుకలో ఆ ఇద్దరూ కూడా పాల్గొన్నారు.
మొత్తంగా లాంచింగ్ పార్టీని చాలా గ్రాండ్గా నిర్వహించి ఆహా ఓటీటీని తమిళంలో హాట్ టాపిక్గా మార్చారు అరవింద్. ఇక కంటెంట్ పరంగా కూడా ఆహా తక్కువగా ఏమీ కనిపించడం లేదు. పేరున్న సినిమాలను కొన్నారు. కొన్ని ఒరిజినల్స్ రెడీ చేశారు. తెలుగు ఆహాతో పోలిస్తే కాస్త ఎక్కువ కంటెంట్తోనే రంగంలోకి దిగుతున్నారు. తెలుగులో మాదిరే వ్యూహాత్మకంగా అడుగులు వేస్తే తమిళంలోనూ ఆహా అదరగొట్టడం ఖాయం.
This post was last modified on April 16, 2022 7:53 am
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…