ప్రపంచ సినిమాలో హాలీవుడ్కు ఉన్న ప్రాధాన్యం వేరు. ఆ సినిమాల బడ్జెట్లు, వాటి వసూళ్లతో అసలు పోలికే ఉండదు. ఏ సినిమా అయినా వందల కోట్ల బడ్జెట్లోనే తెరకెక్కుతుంది. వేల కోట్ల వసూళ్లు అలవోకగా సాధించేస్తుంటుంది. అయితే ఇదంతా అక్కడి దర్శకులు, నటీనటుల గొప్పదనమేమీ కాదని అంటున్నాడు టాలీవుడ్ యువ కథానాయకుడు విజయ్ దేవరకొండ. ఈ ఘనతంగా ఇంగ్లిష్ భాషకే చెందుతుందని అతను అభిప్రాయపడ్డాడు.
తన కొత్త చిత్రం జనగణమన ప్రారంభోత్సవం సందర్భంగా ముంబయిలో మీడియాతో మాట్లాడిన అతను.. ఈ వ్యాఖ్యలు చేశాడు. బాహుబలి, పుష్ప, ఆర్ఆర్ఆర్ లాంటి ప్రాంతీయ చిత్రాలు పాన్ ఇండియా లెవెల్లో సత్తా చాటడం గురించి ఓ విలేకరి అడిగిన ప్రశ్నకు విజయ్ తనదైన శైలిలో సమాధానం చెప్పాడు. అసలు ఈ చిత్రాలను పాన్ ఇండియా సినిమాలు అనకూడదని.. ఇవి ఇండియన్ సినిమాను రిప్రజెంట్ చేస్తున్నాయని విజయ్ వ్యాఖ్యానించాడు.
బాహుబలి సినిమా ప్రాంతీయ చిత్రాలకు ఉన్న పరిధులను దాటి దేశవ్యాప్తంగా అద్భుత విజయం సాధించిందని, అంతకుముందు కూడా పాన్ ఇండియా సినిమాలు తెరకెక్కినప్పటికీ.. తనకు తెలిసినంత వరకు ఇది హద్దులన్నీ చెరిపేసిందని, ఎవరైనా ఇలాంటి సినిమాలు తీయొచ్చని, కాబట్టే తాను పాన్ఇండియా సినిమాలు చేస్తూ, ఈ రోజు ముంబయిలో కూర్చుని మాట్లాడుతున్నానని విజయ్ అన్నాడు. ఇక హాలీవుడ్ సినిమాల గురించి మాట్లాడుతూ.. అక్కడి ఆర్టిస్టులు, టెక్నీషియన్లు మన వాళ్ల కంటే గొప్పవాళ్లేమీ కాదని.. ఐతే ప్రపంచంలో ఎక్కువమంది ఇంగ్లిష్ మాట్లాడటం వల్ల ఇంగ్లిష్ సినిమాలు కూడా ఎక్కువగా చూస్తారని.. కాబట్టే అక్కడ ఎక్కువ బడ్జెట్లలో సినిమాలు తెరకెక్కడమే కాక ఎక్కువ వసూళ్లు కూడా రాబడతాయని అంతకుమించి తేడా ఏమీ లేదని విజయ్ అభిప్రాయపడ్డాడు.
చైనా జనాభా ఎక్కువ కావడంతో ఇప్పుడు హాలీవుడ్ వాళ్లు ఆ దేశ ఫిలిం మేకర్స్తో భాగస్వాములవుతున్నారని.. ఇండియన్ సినిమా ఇలాగే సత్తా చాటుతూ పోతే రేప్పొద్దున మనతోనూ వాళ్లు భాగస్వాములవుతారని విజయ్ అన్నాడు. విజయ్ చెప్పిన లాజిక్ భలేగా అనిపించడమే కాక.. కరెక్టే కదా అన్న ఫీలింగ్ కలిగిస్తోంది జనాలకి.
This post was last modified on March 30, 2022 9:49 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…