Movie News

చ‌ర‌ణ్ రాముడు కాద‌న్నా విన‌ట్లా..

త‌న సినిమాల విడుద‌ల‌కు ముందే వాటి క‌థ‌లేంటో చూచాయిగా వెల్ల‌డించేయ‌డం రాజ‌మౌళికి అల‌వాటు. ఈగ సినిమా మొద‌లైన రోజే దాని క‌థ చెప్పేసి ఆ త‌ర్వాత షూటింగ్‌కు వెళ్ల‌డం జ‌క్క‌న్న‌కే చెల్లింది. త‌న కొత్త చిత్రం ఆర్ఆర్ఆర్ విష‌యంలోనూ ఇదే చేశాడు. ఈ సినిమా ఆరంభ ద‌శ‌లో ఉండ‌గానే ప్రెస్ మీట్ పెట్టి ఈ క‌థ ఎలా ఉంటుందో.. ఇందులోని ముఖ్య పాత్రల తీరు తెన్నులేంటో ఆయ‌న చెప్పేశాడు.

చ‌ర‌ణ్ చేస్తున్న‌ది అల్లూరి సీతారామ‌రాజు పాత్ర‌ని.. తార‌క్  పోషిస్తున్న‌ది కొమ‌రం భీమ్ పాత్ర అని వెల్ల‌డించాడు. ఆ ప్రెస్ మీట్ విశేషాల‌ను నార్త్ మీడియా వాళ్లు కూడా క‌వ‌ర్ చేశారు. ఇక రిలీజ్ ముంగిట ప్ర‌మోష‌న్ల‌లో కూడా హీరోలిద్ద‌రి పాత్ర‌ల గురించి వివ‌రంగా మాట్లాడాడు జ‌క్క‌న్న‌. ఇంత క్లారిటీ ఇచ్చినా కూడా ఉత్త‌రాది ప్రేక్ష‌కులు సినిమాలో రామ్ చ‌ర‌ణ్ పాత్రను ఇంకోలా అర్థం చేసుకుంటుండ‌టం ఆశ్చ‌ర్యం క‌లిగించే విష‌యం.

ఆర్ఆర్ఆర్ రిలీజైన ద‌గ్గ‌ర్నుంచి రామ్ చ‌ర‌ణ్ చేసింది రాముడి పాత్ర అని బ‌లంగా న‌మ్ముతున్నారు ఉత్త‌రాది ప్రేక్ష‌కులు. ఆ పాత్ర పేరు రామ్ కాగా.. క్లైమాక్సులో అది అల్లూరి సీతారామ‌రాజు అవ‌తారంలోకి మారుతుంద‌న్న సంగ‌తి తెలిసిందే. నిజానికి జ‌క్క‌న్న ముందు నుంచి చెబుతున్న‌ట్లు ఇది అల్లూరి పాత్ర కాదు. క్లైమాక్స్ ద‌గ్గ‌ర ఆ అవ‌తారంలోకి మారుతుంద‌తంతే. చ‌రిత్ర పేరు చెప్పి జ‌క్క‌న్న త‌నకు న‌చ్చిన‌ట్లు క‌థ‌ను.. పాత్ర‌ల్ని అల్లేసుకున్నాడు. ఈ విషయంలో అభ్యంత‌రాలు ఎదురైనా ప‌ట్టించుకోవ‌ట్లేదు.

ఆ సంగ‌త‌లా ఉంచితే.. సినిమా రిలీజైన ద‌గ్గ‌ర్నుంచి రామ్ చ‌ర‌ణ్ చేసింది రాముడి పాత్రే అని తెగ ప్ర‌చారాలు చేసేస్తున్నారు నార్త్ ఆడియ‌న్స్. బాలీవుడ్ ఫిలిం మేక‌ర్స్ రాముడిని, హిందూ దేవుళ్ల‌ను కించ‌ప‌రిచేలా సినిమాలు తీస్తుంటే రాజ‌మౌళి చూశారా అంటూ ఆయ‌న్ని కొనియాడుతున్నారు. ఇంత‌క‌ముందు రాజ‌మౌళి స్వ‌యంగా అల్లూరి గురించి ప్ర‌స్తావించినా.. ఇప్పుడు మ‌న‌ నెటిజ‌న్లు అల్లూరి గురించి, ఆయ‌న చ‌రిత్ర గురించి చెప్పే ప్ర‌య‌త్నం చేస్తున్నా వాళ్లు ప‌ట్టించుకోవ‌ట్లేదు. ఇంత‌క‌ముందు అఖండ సినిమాను లేపిన‌ట్లే ఆర్ఆర్ఆర్‌ను లేపుతూ ఎలివేష‌న్లు ఇస్తున్నారు. ఏదేమైతేనేం సినిమాకు ఇది బాగానే క‌లిసొస్తుండ‌టంతో చిత్ర బృందం సైలెంటుగా ఉంది.

This post was last modified on March 27, 2022 11:34 am

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

29 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

13 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago