లక్ష్యం.. గోపీచంద్ కెరీర్లో ఒకప్పుడు బిగ్గెస్ట్ హిట్గా నిలిచిన సినిమా. దర్శకుడు శ్రీవాస్కు ఇదే తొలి సినిమా కావడం విశేషం. గోపీచంద్, జగపతిబాబు, అనుష్క ముఖ్య పాత్రల్లో రసవత్తరంగా ఈ యాక్షన్ ఎంటర్టైనర్ను తీర్చిదిద్ది ప్రేక్షకుల మనసులు గెలిచాడు శ్రీవాస్. ఆ తర్వాత అతడి కెరీర్లో మళ్లీ గోపీచంద్తోనే తీసిన లౌక్యం మినహా సక్సెస్ లేదు.
చివరగా సాక్ష్యం సినిమాతో ఎదురు దెబ్బ తిన్న శ్రీవాస్.. చాలా గ్యాప్ తీసుకుని మళ్లీ తనకు అచ్చొచ్చిన గోపీచంద్తోనే సినిమా చేస్తున్న సంగతి తెలిసిందే. పీపుల్స్ మీడియా ఫ్యాక్టరీ బేనర్ మీద టీజీ విశ్వప్రసాద్, వివేక్ కూచిభొట్ల ఈ చిత్రాన్ని నిర్మిస్తున్నారు. ఇటీవలే ఈ సినిమా చిత్రీకరణ మొదలైంది. ఈ చిత్రానికి టైటిల్ ఖరారైనట్లు సమాచారం.
తమ కలయికలో వచ్చిన తొలి సినిమా పేరు కలిసొచ్చేలా లక్ష్యం-2 అనే పేరును ఈ చిత్రానికి ఖరారు చేశారట గోపీ, శ్రీవాస్. ఇప్పటిదాకా అయితే ఈ సినిమా లక్ష్యంకు సీక్వెల్ అన్న హింట్లేమీ రాలేదు. మరి ఊరికే పేరు కలిసొస్తుందని లక్ష్యం-2 అని పెట్టారా లేక ఆ కథనే కొనసాగిస్తున్నారా అన్నది తెలియదు.
గోపీచంద్ నటిస్తున్న 30వ సినిమా ఇది కావడం, అతడితో పాటు శ్రీవాస్కూ ఈ సినిమా సక్సెస్ కావడం చాలా అవసరం కావడంతో బాగా కసరత్తు చేసే రంగంలోకి దిగినట్లు తెలుస్తోంది. క్లాస్ సినిమాలకు పెట్టింది పేరైన మిక్కీ జే మేయర్ ఈ మాస్ చిత్రానికి సంగీతం అందిస్తుండటం విశేషం. ఇటీవలే ఖిలాడి సినిమాలో తన గ్లామర్తో అందరి దృష్టినీ ఆకర్షించిన తెలుగమ్మాయి డింపుల్ హయతి ఈ చిత్రంలో ఓ కథానాయికగా నటిస్తోంది. ఇందులో మరో కథానాయికకీ చోటున్నట్లు సమాచారం.
This post was last modified on March 20, 2022 1:21 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…