Movie News

రాధేశ్యామ్‌కే కాదు.. ఆర్ఆర్ఆర్‌కూ క్యాన్సిలే

మంచి క్రేజ్ ఉన్న సినిమా.. దాని నిర్మాత‌ల‌కు బాగా న‌మ్మ‌కం ఉంటే రిలీజ్‌కు ముందు రోజే సెకండ్ షోకు పెయిడ్ ప్రిమియ‌ర్స్ వేయ‌డం అప్పుడ‌ప్పుడూ జ‌రుగుతుంటుంది. గ‌తంలో అర్జున్ రెడ్డి, బాహుబ‌లి-2, ఫ‌ల‌క్ నుమా దాస్ లాంటి కొన్ని సినిమాల‌కు ఇలాగే జ‌రిగింది. వీటిలో అర్జున్ రెడ్డి, బాహుబ‌లి-2 సినిమాల‌కు ప్రిమియ‌ర్స్ బాగా క‌లిసొచ్చాయి కూడా. పాజిటివ్ టాక్ స్ప్రెడ్ అయి హైప్ మ‌రింత పెరిగింది.

గ‌త వారం విడుద‌లైన ప్ర‌భాస్ సినిమా రాధేశ్యామ్‌కు కూడా ఇలాగే ముందు రోజు రాత్రి పెయిడ్ ప్రిమియ‌ర్స్ వేయాల‌నుకుంటున్న‌ట్లుగా ప్ర‌చారం జ‌రిగింది. కానీ త‌ర్వాత ఎందుకో ఆ ఆలోచ‌న‌ను మానుకున్నారు. సినిమాకు డివైడ్ టాక్ వ‌చ్చేందుకు ఆస్కార‌ముంద‌ని, అది సినిమాపై ప్రతికూల ప్ర‌భావం చూపుతుంద‌ని భావించి వెన‌క్కి త‌గ్గిన‌ట్లుగా వార్త‌లొచ్చాయి.
ఐతే వ‌చ్చే శుక్ర‌వారం విడుద‌ల కానున్న రాజ‌మౌళి సినిమా ఆర్ఆర్ఆర్‌కు పెయిడ్ ప్రిమియ‌ర్స్ ప‌క్కా అని ఇంత‌కుముందే వార్త‌లొచ్చాయి.

సంక్రాంతి రిలీజ్ టైంలోనే ఇలా ప్లాన్ చేశారు డిస్ట్రిబ్యూట‌ర్లు. దీని గురించి అప్ప‌ట్లో రాజ‌మౌళి సైతం స్పందించాడు. ఐతే సినిమా అనుకోకుండా మార్చి 25కు వాయిదా ప‌డింది. ఇప్పుడు కూడా పెయిడ్ ప్రిమియ‌ర్స్‌కు స‌న్నాహాలు జ‌రుగుతున్న‌ట్లు కొన్ని రోజుల ముందు వ‌ర‌కు ప్ర‌చారం జ‌రిగింది. కానీ ఇప్పుడు ఆ ఆలోచ‌న‌ను డిస్ట్రిబ్యూట‌ర్లు విర‌మించుకున్న‌ట్లు తెలుస్తోంది. ఇందుకు కార‌ణాలేంట‌న్న‌ది తెలియ‌దు. సినిమా మీద సందేహాలైతే ఎవ‌రికీ లేవు.

రాజ‌మౌళి అండ్ కో చాలా కాన్ఫిడెంట్‌గా ఉందీ సినిమాపై. బాక్సాఫీస్ ద‌గ్గ‌ర బాహుబ‌లి స్థాయి సంచ‌ల‌నాలు ఖాయం అనే అంతా ధీమాగా ఉన్నారు. మ‌రి అంత కాన్ఫిడెన్స్ ఉన్న‌పుడు పెయిడ్ ప్రిమియ‌ర్స్ ఆలోచ‌న ఎందుకు విర‌మించుకున్నారో తెలియ‌దు. హైద‌రాబాద్‌లో తెల్ల‌వారుజామున రెండు షోలు ప‌డే అవ‌కాశాలున్నాయి. త‌ర్వాత ఆరున్న‌ర ఏడు గంట‌ల ప్రాంతంలో రెగ్యుల‌ర్ షోలు మొద‌లు కానున్నాయి. ఏపీలో సైతం ఐదో షోకు అనుమ‌తులుండ‌టంతో అదే స‌మ‌యంలో ఆర్ఆర్ఆర్ స్క్రీనింగ్ మొద‌ల‌య్యే అవ‌కాశాలున్నాయి.

This post was last modified on March 19, 2022 8:34 am

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

5 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

7 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

7 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

8 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

8 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

9 hours ago