ఇంకో వారం రోజులే మిగిలుంది ఆర్ఆర్ఆర్ విడుదలకు. ఈ చిత్రంపై ఉన్న అంచనాల గురించి ప్రత్యేకంగా చెప్పాల్సిన పని లేదు. సినిమా చాలా ఆలస్యమైనా, విడుదల పలుమార్లు వాయిదా పడ్డ హైప్కేమీ తక్కువ లేదు. రిలీజ్ ముంగిట ఆ హైప్ను మరింత పెంచడానికి చిత్ర బృందం గట్టిగానే ప్రయత్నిస్తోంది. ప్రమోషన్లు పునఃప్రారంభించి దూకుడు మీదున్నారు రాజమౌళి, తారక్, చరణ్. ఈ ముగ్గురూ కలిసి దేశమంతా తిరిగేస్తున్నారు.
ఇక ప్రమోషన్ల పరంగా పీక్స్ ఈ నెల 19న చూడబోతున్నట్లు తెలుస్తోంది. ఆ రోజే ఆర్ఆర్ఆర్ ప్రి రిలీజ్ ఈవెంట్. ఇందుకోసం ఆసక్తికర వేదికను ఎంచుకున్నారు. రాయలసీమ వాసులకు దగ్గరగా ఉండే కర్ణాటక ప్రాంతం చిక్బళ్లాపూర్లో ఈ మెగా ఈవెంట్ జరగబోతున్నట్లుగా చెబుతున్నారు. ఈ వేడుకకు వచ్చే అతిథుల గురించి కూడా ఆసక్తికర ప్రచారం జరుగుతోంది.
చరణ్ తరఫున అతడి తండ్రి, మెగాస్టార్ చిరంజీవి.. తారక్ తరఫున అతడి బాబాయి, నటసింహం నందమూరి బాలకృష్ణ ఆర్ఆర్ఆర్ ప్రి రిలీజ్ ఈవెంట్కు అతిథులుగా వస్తారంటున్నారు. ఐతే వీళ్లు అతిథులు మాత్రమేనట. ముఖ్య అతిథి చాలా పెద్ద స్థాయి వ్యక్తిగా చెబుతున్నారు. ఆయనెవరో కాదు.. కర్ణాటక ముఖ్యమంత్రి బసవరాజ్ బొమ్మై. ఒక సీఎం సినిమా ప్రి రిలీజ్ ఈవెంట్కు ముఖ్య అతిథిగా రావడం అరుదైన విషయమే.
అందులోనూ తెలుగు హీరోల్ని పెట్టి ఒక దర్శకుడు తీసిన పాన్ ఇండియా మూవీకి వేరే రాష్ట్ర ముఖ్యమంత్రి చీఫ్ గెస్ట్గా వస్తే ఆ కళే వేరుగా ఉంటుంది. ఆయనతో పాటు కన్నడ సూపర్ స్టార్లలో ఒకడైన శివరాజ్ కుమార్ సైతం ఈ వేడుకకు హాజరవుతారంటున్నారు. మరి ఈ సినిమాకు సంబంధించి ఇదొక్కటే ప్రి రిలీజ్ ఈవెంట్ ఉంటుందా.. హైదరాబాద్లో మరో వేడుక ఏదైనా ప్లాన్ చేస్తారా అన్నది తెలియడం లేదు.
This post was last modified on March 17, 2022 12:29 am
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…
ఆంధ్రప్రదేశ్లో జనాభా పరంగా అగ్రస్థానంలో ఉండే కాపు కులస్థుల కోసం ఉద్యమించిన నాయకుడిగా వంగవీటి మోహనరంగా తర్వాత ఓ మోస్తరు…
ఎన్నికలు జరగబోతున్నపుడు అనుకోకుండా కొన్ని విషయాలు కీలకంగా మారి అధికార పక్షాలను తీవ్ర ఇబ్బందుల్లోకి నెట్టేస్తుంటాయి. అవి ఎన్నికల ఫలితాలనే…
భారీ నమ్మకంతో రోజుల తరబడి ప్రమోషన్లు చేసిన ఆ ఒక్కటి అడక్కుకి మిక్స్డ్ టాక్ కొనసాగుతోంది. మాములుగా ఇలాంటి సినిమాలకు…