ఈ ఏడాది ఇండియన్ సినిమాలో మోస్ట్ అవైటెడ్ ఫిలిమ్స్లో అగ్ర స్థానం రాజమౌళి నుంచి రానున్న‘ఆర్ఆర్ఆర్’దైతే.. రెండో స్థానం యశ్-ప్రశాంత్ నీల్ కాంబినేషన్లో తెరకెక్కిన ‘కేజీఎఫ్: చాప్టర్-2’ అనడంలో సందేహం లేదు. రెండేళ్ల కిందట వచ్చిన ‘కేజీఎఫ్: చాప్టర్-1’ వివిధ భాషల్లో ఎంత సంచలనం రేపిందో కొత్తగా చెప్పాల్సిన పని లేదు. ఆ సినిమా రిలీజైన దగ్గర్నుంచి ‘చాప్టర్-2’ కోసం ఎంతో ఉత్కంఠగా ఎదురు చూస్తున్నారు దాని అభిమానులు. ఐతే కరోనా, ఇతర కారణాల వల్ల ఈ సినిమా అనుకున్న దాని కంటే చాలా ఆలస్యం అయింది.
2020లోనే రావాల్సి సినిమా 2022 వేసవికి వాయిదా పడిపోయింది. వేసవి కానుకగా ఏప్రిల్ 14న ఈ చిత్రం ప్రేక్షకుల ముందుకు రానున్న సంగతి తెలిసిందే. ఇంకో నెలన్నర లోపే సినిమా విడుదల కానుండటంతో చిత్ర బృందం ప్రమోషన్ల హడావుడి మొదలుపెట్టేసింది. ఇందులో భాగంగా త్వరలోనే ట్రైలర్ లాంచ్ చేయబోతున్నారు. ‘కేజీఎఫ్-2’ ట్రైలర్ లాంచ్కు ముహూర్తం కూడా ఖరారైంది.
మార్చి 27న సాయంత్రం 6.40 గంటలకు ‘కేజీఎఫ్-2’ ట్రైలర్ను వివిధ భాషల్లో ఒకేసారి లాంచ్ చేయబోతున్నారు. గత ఏడాది జనవరిలో యశ్ పుట్టిన రోజు సందర్భంగా రిలీజ్ చేసిన ‘కేజీఎఫ్-2’ టీజర్ ఎంతటి ప్రకంపనలు రేపిందో తెలిసిందే. మాస్కు పూనకాలు తెప్పించే షాట్లతో వారెవా అనిపించింది టీజర్. ముఖ్యంగా మెషీన్ గన్నుతో వాహనాల్ని పేల్చేసి.. ఆ గన్ను మీద ఉన్న వేడితో యశ్ సిగరెట్ అంటించుకునే షాట్ అయితే మతులు పోగొట్టేసింది.
ఆ టీజర్ చూసినప్పటి నుంచి సినిమా కోసం ఎప్పుడెప్పుడా అని ఎదురు చూస్తున్నారు అభిమానులు. టీజరే అలా ఉంటే ఇప్పుడిక ట్రైలర్ ఏ రేంజిలో ఉంటుందో.. ఇందులో ఇంకేం మెరుపులుంటాయో అని ఉత్కంఠ రేగుతోంది. మాస్ పల్స్ బాగా తెలిసిన ప్రశాంత్ నీల్.. ట్రైలర్తోనూ పూనకాలు తెప్పించడం ఖాయమనే భావించవచ్చు. హోంబలె ఫిలిమ్స్ నిర్మించిన ఈ చిత్రంలో విలన్ సంజయ్ దత్ నటించడం తెలిసిందే.
This post was last modified on March 3, 2022 2:00 pm
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…
టీడీపీ అధినేత చంద్రబాబుకు.. బిగ్ బ్రేక్ వచ్చింది. ఇప్పటి వరకు కేంద్రంలోని పెద్దలు ఎవరూ.. ముఖ్యంగా బీజేపీ అగ్రనాయకులుగా ఉన్నవారు…
ఏపీలో సంచలనం చోటు చేసుకుంది. ఎన్నికల వేళ అధికార పార్టీకి అనుకూలంగా వ్యవహరిస్తున్నారన్న ఆరోపణల నేపథ్యంలో ఇప్పటికే చాలా మంది…
ఏపీలో ఎన్నికలకు మరో వారం రోజులు మాత్రమే గడువు ఉంది. ఈ నెల 13న అంటే వచ్చే సోమవారం.. ఎన్నికల…