రెమ్యునరేషన్ డోస్ పెంచుతున్న తమన్నా

మిల్కీ బ్యూటీ త‌మ‌న్నా ఇండ‌స్ట్రీలోకి వ‌చ్చి చాలా కాలమే అయినా.. ఇంకా స్టార్ హీరోయిన్‌గానే స‌త్తా చాటుతూ తెలుగు, త‌మిళ్‌, హిందీ భాష‌ల్లో వ‌రుస సినిమాలు చేస్తోంది. ఇటీవ‌ల డిజిట‌ల్ ఎంట్రీ కూడా ఇచ్చిన ఈ ముద్దుగుమ్మ‌.. తాజాగా ఓ పాన్ ఇండియా మూవీకి సైన్ చేసింది. అదే `బబ్లీ బౌన్సర్`. బాలీవుడ్ సంచ‌ల‌న దర్శకుడు మధుర్ భండార్కర్ ఈ చిత్రాన్ని తెర‌కెక్కించ‌బోతున్నాడు.

ఫాక్స్ స్టార్ స్టూడియోస్, జంగ్లీ పిక్చర్స్ బ్యానర్ల‌పై నిర్మితం కాబోతున్న ఈ చిత్రం నిన్న‌నే పూజా కార్యక్రమాలతో గ్రాండ్‌గా ప్రారంభ‌మైంది. బాక్సింగ్ నేప‌థ్యంలో బాక్స‌ర్స్ టౌన్ గా పేరుగాంచిన అసోలా ఫ‌తైపూర్ బ్యాక్ డ్రాప్ లో రూపుదిద్దుకోబోతున్న ఈ సినిమాలో త‌మ‌న్నా ఓ లేడీ బౌన్స‌ర్ గా క‌నిపించ‌బోతోంది.

ఇండియాలో ఓ మ‌హిళ బౌన్స‌ర్ క‌థ ఆధారంగా వ‌స్తున్న తొలి చిత్ర‌మిది. త్వ‌ర‌లోనే రెగ్యుల‌ర్ షూటింగ్ సైతం స్టార్ట్ కానుంది. ఇక‌పోతే ఈ పాన్ ఇండియా సినిమాతో త‌మ‌న్నా త‌న రెమ్యున‌రేష‌న్‌ను భారీగా పెంచేసింద‌ట‌. ఇంత‌కు ముందుకు ఒక్కో సినిమాకు రెండు కోట్ల రూపాయిల‌ వ‌ర‌కు పుచ్చుకున్న త‌మ‌న్నా.. `బ‌బ్లీ బౌన్స‌ర్‌`కు మాత్రం ఏకంగా రూ. 4 కోట్ల‌ను డిమాండ్ చేసింద‌ని సోష‌ల్ మీడియాలో జోరుగా ప్ర‌చారం జ‌రుగుతోంది.

మ‌రి ఈ ప్ర‌చార‌మే నిజ‌మైతే ఇక త‌మ‌న్నాను త‌ట్టుకోవ‌డం టాలీవుడ్ నిర్మాత‌ల‌కు క‌ష్ట‌మే అవుతుంద‌ని అంటున్నారు సినీ ప్రియులు. కాగా, త‌మ‌న్నా ప్ర‌స్తుతం తెలుగులో అనిల్ రావిపూడి ద‌ర్శక‌త్వంలో `ఎఫ్ 3` సినిమాలో న‌టిస్తోంది. అలాగే టాలెంటెడ్ హీరో స‌త్యదేవ్‌తో `గుర్తుందా శీతాకాలం` అనే మూవీ చేసింది. షూటింగ్ పూర్తి చేసుకున్న ఈ రెండు చిత్రాలు త్వ‌ర‌లోనే విడుద‌ల కానున్నాయి.