కొవిడ్ కాలంలో మరో సంగీత దిగ్గజం దివికేగారు. 80, 90 దశకాల్లో భారతీయ సంగీత ప్రియుల్ని ఉర్రూతలూగించిన లెజెండరీ మ్యూజిక్ డైరెక్టర్ బప్పీ లహరి అనారోగ్యంతో కన్ను మూశారు. సినిమా సంగీతం ఒక శైలిలో.. సంప్రదాయబద్ధంగా సాగిపోతున్న రోజుల్లో బప్పీ.. మోడర్న్ టచ్తో మంచి ఊపున్న సంగీతంతో అప్పటి మ్యూజిక్ లవర్స్ను ఒక ఊపు ఊపేశారు. ముఖ్యంగా ఆయన చేసిన డిస్కో, ర్యాప్ సాంగ్స్ అప్పటి యువతకు మామూలు కిక్ ఇవ్వలేదు.
మిథున్ చక్రవర్తి ప్రధాన పాత్రలో నటించిన ‘డిస్కో డ్యాన్సర్’ సినిమాలో ఐయామ్ ఎ డిస్కో డ్యాన్సర్ అంటూ సాగే పాట ఇప్పటికీ మోర్మోగుతూనే ఉంటుంది. బప్పీ బేసిగ్గా బాలీవుడ్ సంగీత దర్శకుడే అయినా.. తెలుగు వాళ్లు ఆయన్ని అంత సులువుగా మరిచిపోలేరు. తెలుగులో చేసింది తక్కువ సినిమాలే అయినా బప్పీ వేసిన ముద్ర అలాంటిలాంటిది కాదు.సూపర్ స్టార్ కృష్ణ ప్రధాన పాత్రలో నటిస్తూ స్వీయ దర్శకత్వంలో నిర్మించిన ‘సింహాసనం’ సినిమాతో తెలుగులోకి అడుగు పెట్టారు బప్పీ.
ఆ సినిమా పాటలన్నీ సూపర్ హిట్టే. ముఖ్యంగా ‘ఆకాశంలో ఒక తార..’ సంగీత ప్రియుల్లో బాగా నానింది. అక్కడి నుంచి మొదలుపెడితే.. స్టేట్ రౌడీ, రౌడీ గారి పెళ్ళాం, గ్యాంగ్ లీడర్, రౌడీ అల్లుడు, రౌడీ ఇన్స్పెక్టర్, నిప్పు రవ్వ, బిగ్ బాస్ లాంటి భారీ చిత్రాలకు ఆయన పని చేశారు. వీటిలో ప్రధానంగా చిరంజీవితో చేసిన గ్యాంగ్ లీడర్, రౌడీ అల్లుడు పాటలు ఎవర్ గ్రీన్.
వీటిలో ఏదో ఒక పాట అని కాదు.. ప్రతి పాటా సూపర్ హిట్టే. ‘వానా వానా వెల్లువాయి’ సహా ప్రతి ‘గ్యాంగ్ లీడర్’ పాటా అప్పట్నుంచి ఇప్పటి వరకు సంగీత ప్రియుల చెవుల్లో మార్మోగుతూనే ఉన్నాయి. ఇక ‘రౌడీ అల్లుడు’లో ‘చిలుకా క్షేమమా’ పాట గురించి ఎంత చెప్పినా తక్కువే. మామూలుగా ఒక కాలంలో వచ్చిన పాటలు.. కొన్నేళ్ల తర్వాత ఔట్ డేటెడ్ అనిపిస్తాయి. బప్పీ పాటలకు మాత్రం కాల దోషం లేదు. ఇప్పుడు విన్నా అవి తాజాగా.. ట్రెండీగా అనిపిస్తాయి. అందుకే తెలుగు సంగీత ప్రియులు ఆయన్ని అంత సులువుగా మరిచిపోలేరు.
This post was last modified on February 16, 2022 5:09 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…