భాషతో పని లేదు. హిట్లు, ఫ్లాపులతో సంబంధం లేదు. రజినీకాంత్ అంటే రజినీకాంతే. ఆయన సినిమా అంటే యావత్ దేశమంతా క్రేజే. నిజానికి ఓ మంచి హిట్టు రజినీ ఖాతాలో పడి చాలా కాలమే అయ్యింది. అయినా ఇప్పటికీ ఆయన ఓ సినిమా చేస్తున్నారంటే దానిపై భారీ అంచనాలు ఏర్పడటం ఆగడం లేదు.
రీసెంట్గా ‘పెద్దన్న’గా వచ్చిన రజినీ.. ఓపెనింగ్స్ అయితే రాబట్టారు కానీ కాన్సెప్ట్ పరంగా మెప్పించలేకపోయారు. అసలే ఆరోగ్యం బాలేకపోవడానికి తోడు మరో యావరేజ్ సినిమాని లిస్టులో వేసుకోవడంతో ఆయన ఇక సినిమాలు చేస్తారా లేక ఫుల్స్టాప్ పెట్టేస్తారా అనే డౌట్ కూడా అందరికీ వచ్చింది. ఆ అనుమానాలన్నింటికీ కొత్త అనౌన్స్మెంట్తో చెక్ పెట్టేశారు రజినీ.
రజినీ 169 సినిమా అనౌన్స్మెంట్ వచ్చేసింది. నయనతారతో ‘కొ కొ కోకిల’, శివకార్తికేయన్తో ‘డాక్టర్’ చిత్రాలు తీసిన నెల్సన్ దిలీప్కుమార్ ఈ చిత్రాన్ని డైరెక్ట్ చేయబోతున్నాడు. అనిరుధ్ రవిచందర్ సంగీతం అందిస్తున్నాడు. సన్ పిక్చర్స్ సంస్థ నిర్మిస్తోంది. ఈ విషయాన్ని ఓ టీజర్ ద్వారా కన్ఫర్మ్ చేశారు. ప్రస్తుతం విజయ్తో ‘బీస్ట్’ చిత్రాన్ని తీస్తున్నాడు నెల్సన్. అది పూర్తి కావస్తుండటంతో ఈ మూవీని సెట్స్కి తీసుకెళ్లేందుకు ఏర్పాట్లు జరుగుతున్నాయి. ఏప్రిల్ చివరి వారంలో కానీ మే ఫస్ట్ వీక్లో కానీ షూటింగ్ స్టార్టవబోతోంది. వచ్చే యేడు ఫిబ్రవరిలో రిలీజ్ చేయాలని కూడా ఫిక్సైనట్లు తెలుస్తోంది.
ఇది పక్కా కమర్షియల్ ఎంటర్టైనరే అయినా.. ఓ స్ట్రాంగ్ స్టోరీ లైన్తో రాబోతోందట. ప్రస్తుతం రజినీకి కావాల్సింది అదే. కార్తీక్ సుబ్బరాజ్ అయినా, మురుగదాస్ అయినా, శివ అయినా.. ప్రతి ఒక్కరూ ఆయన స్టైల్పై, మేనరిజమ్స్పై కాన్సన్ట్రేట్ చేశారే తప్ప ఓ మంచి కథతో రజినీ ఇమేజ్ని మరింత పెంచే ప్రయత్నం చేయలేకపోయారు. కనీసం నెల్సన్ అయినా ఆ పని చేస్తే తలైవా అభిమానులకు అంతకన్నా కావాల్సిందేమీ లేదు.
This post was last modified on February 10, 2022 9:27 pm
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…
సంక్రాంతి సినిమాల హడావుడి మరో లెవెల్ కు చేరుకుంది. ఇప్పటికే రాజాసాబ్ థియేటర్లలో సందడి చేస్తుండగా రేపు మెగాస్టార్ చిరంజీవి…