సంగీత దర్శకుడు అనిరుధ్ రవిచందర్ పేరుకు తమిళుడే కానీ.. భాషా భేదం లేకుండా కెరీర్ ఆరంభంలోనే అతను సూపర్ పాపులారిటీ సంపాదించాడు. కొలవరి పాటలతో అతను రేపిన సంచలనం అలాంటిలాంటిది కాదు. అప్పట్నుంచి ప్రతి సినిమాలో ఏదో ఒక పాటతో రచ్చ చేస్తూనే ఉన్నాడు. అతడి పాటల్ని తమిళులే కాక అందరూ ఎంజాయ్ చేస్తుంటారు.
గత ఏడాది మాస్టర్ సినిమా కోసం అతను కంపోజ్ చేసిన వాత్తి ింగ్ పాట ఏ స్థాయిలో సంచలనం రేపిందో తెలిసిందే. ఉత్తరాది జనాలను సైతం ఈ పాట ఊపేసింది. డ్యాన్స్, మ్యూజిక్ షోలన్నింట్లో ఈ పాట హోరెత్తిపోయింది. తమిళంలో ఇలాంటి వాటిని కుత్తు పాట అంటుంటారు. మాస్ ప్రేక్షకులు ఊగిపోయేలా చేసే పాటల్ని ఇలా అంటుంటారు. తన ప్రతి సినిమాలో ఇలాంటి కుత్తు పాట ఒకటైనా ఉండేలా చూసుకుంటాడు అనిరుధ్. ఇందుకోసం రకరకాల ప్రయోగాలు చేస్తుంటాడు.
ఇప్పుడతను విజయ్ కొత్త సినిమా బీస్ట్ కోసం ఒక వెరైటీ పాటనే రెడీ చేసినట్లున్నాడు. దీన్ని అరబిక్-కుత్తు సాంగ్ అని పేర్కొంటుండటం విశేషం. ఈ పాట వేలంటైన్స్ డే కానుకగా విడుదల కాబోతోంది. దీని ప్రోమోను తాజాగా రిలీజ్ చేశారు. ఇందులో అనిరుధ్, దర్శకుడు నెల్సన్, ఈ పాట రాసిన హీరో శివ కార్తికేయన్ చేసిన సందడి అంతా ఇంతా కాదు.
ఎప్పుడూ చేసేలా కాకుండా కొత్తగా అరబిక్ స్టయిల్లో కుత్తు సాంగ్ చేద్దామంటూ నెల్సన్, అనిరుధ్ రెడీ అవడం.. ఈ పాట రాయడానికి శివకార్తికేయన్ను పిలిపించడం.. ఒకరి మీద ఒకరు పంచులేసుకోవడం.. తర్వాత హీరో విజయ్కి ఫోన్ చేసి పాట వినిపిస్తే ఇదేం పాట అంటూ అతనూ కౌంటర్ వేయడం.. ఇలా భలే వెరైటీగా సాగింది ప్రోమో. చివర్లో ట్యూన్ కొద్దిగా వినిపించగా.. పాటలో మంచి ఊపున్నట్లు, వెరైటీగా సాగబోతున్నట్లు అర్థమైంది. చూస్తుంటే ఈ పాటతో అనిరుధ్ మరోసారి సెన్సేషణ్ క్రియేట్ చేసేలాగే ఉన్నాడు.
This post was last modified on February 8, 2022 8:18 am
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…