ఊ అన్నందుకు స‌మంత‌కు థ్యాంక్స్

త‌న స‌మ‌కాలీన క‌థానాయిక‌ను ఇంకో క‌థానాయిక పొగ‌డ్డం త‌క్కువ‌గానే జ‌రుగుతుంటుంది. ఐతే ప్రియ‌మ‌ణి మాత్రం అలాంటి భేష‌జాలేమీ పెట్టుకోకుండా స‌మంత మీద ప్ర‌శంస‌ల జ‌ల్లు కురిపించింది. ఆమె చేసే పాత్ర‌లను ప్ర‌శంసిస్తూనే.. ఇటీవ‌ల స‌మంత ఒక ఊపు ఊపేసిన ఉ అంటావా పాట విష‌యంలోనూ త‌న‌ను కొనియాడింది. ఈ పాట చేసినందుకు స‌మంత‌కు ప్రియ‌మ‌ణి థ్యాంక్స్ చెప్ప‌డం విశేషం.

స‌మంత ఎప్పుడో మూస పాత్ర‌ల‌కు ఫుల్ స్టాప్ పెట్టేసింద‌ని.. వైవిధ్య‌మైన, ర‌క‌ర‌కాల పాత్ర‌ల్లోనూ న‌టిస్తోంద‌ని ప్రియ‌మ‌ణి ప్ర‌శంసించింది. ఇక స‌మంత చేసిన ఉ అంటావా పాట‌ను దేశ‌వ్యాప్తంగా అంద‌రూ ఎంజాయ్ చేస్తున్నార‌ని, ఈ పాట‌లో ఆమె చాలా హాట్‌గా క‌నిపించింద‌ని ప్రియ‌మ‌ణి అంది. త‌న భ‌ర్త సైతం స‌మంత ఈ పాట‌లో చాలా హాట్‌గా ఉంద‌ని వ్యాఖ్యానించిన‌ట్లు ప్రియ‌మ‌ణి వెల్ల‌డించింది. ఈ పాట చేసినందుకు అంద‌రూ స‌మంత‌కు థ్యాంక్స్ చెప్పాల‌ని ప్రియ‌మ‌ణి అంది.

ఆహా కోసం తాను చేసిన భామా క‌లాపం విడుద‌ల‌కు సిద్ధ‌మైన నేప‌థ్యంలో ఇచ్చిన ఓ ఇంట‌ర్వ్యూలో ప్రియ‌మ‌ణి ఈ విష‌యాలు మాట్లాడింది. హీరోయిన్ల విష‌యంలో ఇటు ఫిలిం మేక‌ర్స్, అటు ప్రేక్ష‌కుల దృష్టికోణం మార‌డం మంచి ప‌రిణామ‌మ‌ని ప్రియ‌మ‌ణి అభిప్రాయ‌ప‌డింది.

హీరోయిన్ల కోసం ఇంత‌కుముందు ఇంత‌కుముందు గ్లామ‌ర్ ఓరియెంటెడ్ రోల్సే తీర్చిదిద్దేవార‌ని.. కానీ ఈ మ‌ధ్య క‌మ‌ర్షియ‌ల్ సినిమాల్లో సైతం హీరోయిన్ల‌కు మంచి ప్రాధాన్యం ఉన్న పాత్ర‌లు ద‌క్కుతున్నాయ‌ని ప్రియ‌మ‌ణి అంది. అలాగే లేడీ ఓరియెంటెడ్ సినిమాలు కూడా గ‌తంతో  పోలిస్తే చాలా పెరిగాయ‌ని చెప్పింది. న‌య‌న‌తార ఓ ప‌క్క క‌మ‌ర్షియ‌ల్ సినిమాల్లో కథానాయిక‌గా న‌టిస్తూనే.. నేత్రిక‌న్ త‌ర‌హా లేడీ ఓరియెంటెడ్ సినిమాలతో అల‌రిస్తోంద‌ని.. హీరోయిన్ల‌కు ఇలాంటి ప్రాధాన్యం ద‌క్క‌డం శుభ‌ప‌రిణామ‌మ‌ని ప్రియ‌మణి వ్యాఖ్యానించింది.