ఇండియన్ ఫిలిం హిస్టరీలోనే చాలా ప్రత్యేకంగా చెప్పుకోదగ్గ సినిమాల్లో ‘జెంటిల్ మ్యాన్’ ఒకటి. పేరుకిది తమిళ చిత్రం అయినా.. ఇండియా మొత్తం దీని గురించి మాట్లాడుకున్నారు అప్పట్లో. లెజెండరీ డైరెక్టర్ శంకర్ ఈ సినిమాతోనే అరంగేట్రం చేశాడు. తమిళంలో ఈ చిత్రం బ్లాక్బస్టర్ అయింది. తెలుగులోనూ ఇదే పేరుతో అనువాదమై ఇక్కడా ఘనవిజయం సాధించింది. తర్వాత హిందీలో చిరంజీవి హీరోగా దీన్ని రీమేక్ చేస్తే అక్కడ సక్సెస్ అయింది.
కమర్షియాలిటీ, కొత్తదనం, సామాజిక అంశాలు.. ఈ మూడూ ఒకే సినిమాలో పెట్టడం చాలా కష్టం అనుకునే రోజుల్లో శంకర్ ‘జెంటిల్మ్యాన్’ను ఈ మూడు విషయాల్లోనూ ఉన్నతంగా నిలబెట్టి సూపర్ సక్సెస్ అందుకున్నాడు. ఒక రకంగా ఈ విషయంలో శంకర్ ట్రెండ్ సెట్ చేశాడనే చెప్పాలి. తర్వాత మురుగదాస్ సహా చాలామంది దర్శకులు ఆయన్ని అనుసరించారు. ఈ ట్రెండ్ సెట్టింగ్ మూవీకి మూడు దశాబ్దాల తర్వాత సీక్వెల్ రాబోతోంది.
కాకపోతే ‘జెంటిల్ మ్యాన్-2’ను శంకర్ డైరెక్ట్ చేసే అవకాశాలు కనిపించడం లేదు. హీరోగా కూడా అర్జున్ నటించకపోవచ్చు. ఇంకా దర్శకుడు, హీరో సంగతేమీ తేలలేదు కానీ.. సినిమా మాత్రం అనౌన్స్ చేశాడు నిర్మాత కేటీ కుంజుమోన్. ఈయన 90వ దశకంలో రేపిన సంచలనం అంతా ఇంతా కాదు. శంకర్ను ‘జెంటిల్ మ్యాన్’తో దర్శకుడిగా పరిచయం చేసింది ఆయనే. కొత్త దర్శకుడిని నమ్మి భారీ బడ్జెట్ పెట్టి గొప్ప ఫలితాన్నందుకున్నాడాయన.
ఆ తర్వాత ప్రేమికుడు, ప్రేమదేశం, ప్రేమికుల రోజు, రక్షకుడు లాంటి భారీ చిత్రాలను ఆయన నిర్మించారు. ఐతే ‘రక్షకుడు’తో గట్టి ఎదురు దెబ్బ తిన్న ఆయన.. కొన్నేళ్లకు సినిమాలే మానేశారు. రెండు దశాబ్దాలుగా చప్పుడు లేని కుంజుమోన్.. ఇప్పుడు ‘జెంటిల్మ్యాన్-2’తో వార్తల్లోకి వచ్చాడు. ఈ చిత్రానికి సంగీత దర్శకుడిగా కీరవాణిని ఆయన ఎంచుకోవడం విశేషం. కీరవాణిని కలిసి ఆయన్ని సత్కరిస్తున్న ఫొటోతో ‘జెంటిల్ మ్యాన్-2’ సినిమాను అనౌన్స్ చేశాడు కుంజుమోన్. మరి ఈ సీక్వెల్లో హీరో ఎవరో.. దాన్ని ఎవరు డైరెక్ట్ చేస్తారో చూడాలి.
This post was last modified on January 23, 2022 2:29 pm
నాలుగేళ్లుగా నిరీక్షిస్తున్నా అదిగో ఇదిగో అనడమే తప్ప హరిహర వీరమల్లు ఎప్పుడు రిలీజనే సంగతి ఎంతకీ తేలక అభిమానులు దాని…
అవును. అల్లరి నరేష్ తో పాటు ఈ శుక్రవారం వస్తున్న పోటీ సినిమాలకు టాలీవుడ్ ఇదే విన్నపం చేస్తోంది. చాలా…
రాష్ట్ర వ్యాప్తంగా ఎన్నికల పోరు ఎలా ఉందో అందరికీ తెలిసిందే. వైసీపీ వర్సెస్ కూటమి పార్టీల మధ్య నిప్పులు చెరుగుకునే…
కరోనా వేళ అపర సంజీవిగా పేరు ప్రఖ్యాతుల్ని సొంతం చేసుకున్న వ్యాక్సిన్లలో బ్రిటిష్ ఫార్మా దిగ్గజం ఆస్ట్రాజెనెకా తయారు చేసిన…
జూనియర్ ఎన్టీఆర్ హృతిక్ రోషన్ కలయికలో రూపొందుతున్న మల్టీ స్టారర్ వార్ 2 షూటింగ్ ప్రస్తుతం ముంబైలో జరుగుతోంది. తారక్…
ఐకాన్ స్టార్ అల్లు అర్జున్, దర్శకుడు సుకుమార్ కాంబోలో తెరకెక్కుతున్న పుష్ప 2 ది రూల్ విడుదల కోసం అభిమానులు…