Movie News

మళ్లీ షో చేయబోతున్న రామ్


టాలీవుడ్ యంగ్ స్టార్ హీరోల్లో చాలామంది ఏదో ఒక సినిమా కోసం సిక్స్ ప్యాక్ చేసి.. తమ చిజిల్డ్ బాడీతో షో చేసిన వాళ్లే. ఈ ట్రెండుకు శ్రీకారం చుట్టింది అల్లు అర్జున్ అనే చెప్పాలి. అతను ‘దేశముదురు’ సినిమా కోసం సిక్స్ ప్యాక్ చేసి అప్పట్లో అందరికీ పెద్ద షాకే ఇచ్చాడు. అప్పటిదాకా స్టార్ హీరోల్లో ఎవ్వరూ అలాంటి ప్రయత్నం చేయలేదు. ఆ తర్వాత రామ్ చరణ్, జూనియర్ ఎన్టీఆర్, ప్రభాస్.. ఇలా చాలామంది సిక్స్ ప్యాక్స్‌తో అలరించారు. తర్వాత లీగ్ హీరోల్లో అదిరిపోయే రీతిలో బాడీ పెంచి ఆశ్చర్యపరిచిన వాళ్లలో రామ్ ఒకడు.

మామూలుగా చూడ్డానికి చాక్లెట్ బాయ్‌లా కనిపించే అతను.. ‘ఇస్మార్ట్ శంకర్’ కోసం పూర్తిగా అవతారం మార్చేశాడు. చాలా రఫ్‌గా ఉండే లుక్‌కు తోడు.. సిక్స్ ప్యాక్ బాడీతో అందరినీ ఆశ్చర్యపరిచాడు. ఆ సినిమా చివర్లో బేర్ బాడీతో అతను ఫైట్ చేయడం మాస్ ప్రేక్షకులను బాగా ఆకట్టుకుంది.

ఇప్పుడు రామ్ మరోసారి ఈ ఫీట్ రిపీట్ చేయబోతున్నాడు. కాకపోతే ‘ఇస్మార్ట్ శంకర్’తో పోలిస్తే ఈసారి అతడి లుక్ పూర్తి భిన్నంగా కనిపించనుంది. తమిళ దర్శకుడు లింగుస్వామితో కలిసి రామ్ తెలుగు, తమిళ భాషల్లో ఓ సినిమా చేస్తున్న సంగతి తెలిసిందే. ఈ చిత్రానికి ‘ది వారియర్’ అనే టైటిల్ ఖరారు చేస్తూ ఫస్ట్ లుక్ కూడా లాంచ్ చేశారు సంక్రాంతి సందర్భంగా. అందులో రామ్ పోలీస్ పాత్రలో కనిపించాడు. తన కెరీర్లో రామ్ చేస్తున్న తొలి పోలీస్ పాత్ర ఇదే. ఈ పాత్ర కోసం రామ్ శారీరకంగా మరింత కష్టపడ్డాడట.

‘ఇస్మార్ట్ శంకర్’ తర్వాత మధ్యలో ‘రెడ్’ కోసం నార్మల్ బాడీలోకి వచ్చిన రామ్.. ఈ సినిమా కోసం నాలుగు నెలల పాటు కష్టపడి మళ్లీ బాడీ పెంచాడట. ‘ఇస్మార్ట్ శంకర్’ను మించి ఇందులో కండలు తిరిగిన శరీరంతో, సిక్స్ ప్యాక్‌తో కనిపించనున్నాడట. ఓ సన్నివేశంలో బేర్ బాడీతో అతను సందడి చేయబోతున్నట్లు సమాచారం. ‘సీటీమార్’ నిర్మాత శ్రీనివాస్ చిట్టూరి నిర్మాణంలో తెరకెక్కుతున్న ఈ చిత్రంలో కృతి శెట్టి కథానాయికగా నటిస్తోంది.

This post was last modified on January 19, 2022 5:52 pm

Share

Recent Posts

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

16 minutes ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

27 minutes ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

10 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

11 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

11 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

11 hours ago