ప్రతి వ్యక్తీ వ్యక్తిగత జీవితంలో ఉన్న స్నేహితులతో పాటు తాను పని చేసే రంగంలో సన్నిహితులను సంపాదించుకోవడం సహజం. టైం టు టైం జాబ్స్ చేస్తున్నపుడు కూడా ప్రొఫెషనల్గా ఫ్రెండ్స్ తయారవుతారు. ఇక రోజు వారీ పనిలో ఒక టైమింగ్ అంటూ లేకుండా.. మొత్తంగా నిర్దిష్ట కాలం అని లేకుండా పని చేసే ఇండస్ట్రీల్లో స్నేహితులు లేకుండా ఉండరు. అందులోనూ సినిమాలను జీవితంగా మార్చుకుని పని చేసే వ్యక్తులకు ఆ ఇండస్ట్రీలో స్నేహితులు లేరంటే నమ్మడం కష్టంగా ఉంటుంది.
ఇక్కడ అన్ని వ్యవహారాలూ సక్సెస్ చుట్టూ, డబ్బుల చుట్టూనే తిరుగుతాయన్న మాటలు వినిపిస్తున్నా సరే.. ఇందులోనూ ఆప్త మిత్రులు ఉంటారు. కానీ మూడు దశాబ్దాలకు పైగా తాను పని చేస్తున్న పరిశ్రమలో తనకు ఒక్కరంటే ఒక్క స్నేహితుడు కూడా లేదని తేల్చేశాడు సీనియర్ నటుడు జగపతిబాబు. ఈ విషయంలో ఆయన చాలా నిక్కచ్చిగానే మాట్లాడారు ఓ ఇంటర్వ్యూలో. తమిళ నటుడు అర్జున్ తనకున్న జెన్యూన్ ఫ్రెండ్స్లో ఒకడని జగపతిబాబు చెప్పాడు.
తమది ఎన్నో ఏళ్ల అనుబంధం అని.. ఆ స్నేహంతోనే ఒకరి సినిమాల్లో ఒకరం నటించామని, వ్యక్తిగతంగా కూడా తమ మధ్య మంచి అనుబంధం ఉందని జగపతి చెప్పాడు. ఐతే అర్జున్, తాను గొడవపడే తీరు చూస్తే మాత్రం చూసే వాళ్లకు తాము స్నేహితుల్లా కాకుండా శత్రువుల్లా కనిపిస్తామని ఆయన అన్నాడు. ఇక తెలుగు సినీ పరిశ్రమలో మీకు స్నేహితులెవరూ లేరా అని అడిగితే.. నిజాయితీగా చెప్పాలంటే లేరు అనేశారు జగపతి.
ఎవరినైనా స్నేహితుడు అని చెబుదామనుకుంటే వాళ్లు ఎలాంటి వాళ్లు, తనతో వాళ్ల ప్రవర్తన ఎలా ఉంటుంది అనేది గుర్తుకొస్తుందని.. అలా గుర్తొచ్చినపుడు వారిని తాను స్నేహితులు అనలేనని జగపతి తేల్చేశాడు. ఇండస్ట్రీలో ఫ్రెండ్స్ అనుకునేవాళ్లందరూ రాత్ గయా.. బాత్ గయా టైపే అని ఆయన వ్యాఖ్యానించాడు. జగపతిబాబు ముక్కుసూటి మనిషి అనే విషయం అందరికీ తెలుసని.. మరీ తాను మూడు దశాబ్దాలుగా పని చేస్తున్న పరిశ్రమలో ఒక్కరంటే ఒక్క స్నేహితుడు కూడా లేడని చెప్పేంత ముక్కుసూటి తనం ఆయనది కావడమే ఆశ్చర్యం.
This post was last modified on January 19, 2022 12:57 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…