ఈగ సినిమాతో తెలుగులో తనదైన ముద్ర వేశాడు కన్నడ నటుడు సుదీప్. పెర్ఫామెన్స్ పరంగా ఆ సినిమాలో అతనే హైలైట్. సినిమా అంత పెద్ద సక్సెస్ కావడంలో అతడి పాత్ర కీలకం. ఐతే తొలి సినిమాతో అంత పెద్ద బ్రేక్ వచ్చినా.. తెలుగులో కెరీర్ను నిర్మించుకోలేకపోయాడు సుదీప్. యాక్షన్ త్రీడీ, బాహుబలి సినిమాల్లో తన స్థాయికి తగని పాత్రల్లో మెరిసి మాయమయ్యాడు.
అతడికి తగ్గ పాత్రలు తెలుగు దర్శకులు ఇవ్వలేదా.. లేక అతనే ఇక్కడి అవకాశాల్ని కాదనుకున్నాడా అన్నది తెలియదు. గత కొన్నేళ్లలో తెలుగులో మళ్లీ ఏ సినిమా చేయలేదు. ఐతే సుదీప్ తెలుగులోకి మళ్లీ బ్యాంగ్ బ్యాంగ్ ఎంట్రీ ఇవ్వబోతున్నాడన్నది తాజా సమాచారం. అతను సూపర్ స్టార్ మహేష్ బాబు సినిమాలో నటించబోతున్నాడని గుసగుసలు వినిపిస్తున్నాయి.
పరశురామ్ దర్శకత్వంలో మహేష్ బాబు చేయబోయే కొత్త సినిమా సర్కారు వారి పాటలో సుదీపే విలన్ పాత్ర నటిస్తాడని ఆసక్తికర ప్రచారం సాగుతోంది. విలన్ పాత్ర ఎంత బలంగా ఉంటే, అందులో ఎంత పెద్ద నటుడు నటిస్తే హీరో, అతడి పాత్ర అంతగా ఎలివేట్ అవుతాయన్న ఉద్దేశంతో సుదీప్ను పరశురామ్ పట్టుకొస్తున్నాడని.. ప్రస్తుతం సంప్రదింపులు జరుగుతున్నాయని.. మహేష్ సినిమా కాబట్టి సుదీప్ ఓకే చెప్పే అవకాశాలు ఎక్కువ అని అంటున్నారు.
ఇదే నిజమైతే మహేష్, సుదీప్ కాంబినేషన్ సినిమాకు మరింత క్రేజ్ తీసుకొస్తుందనడంలో సందేహం లేదు. ఈ చిత్రానికి ఇంకా హీరోయిన్ ఖరారు కాలేదు. సంగీత దర్శకుడిగా మాత్రం తమన్ ఓకే అయ్యాడు. పి.ఎస్.వినోద్ ఛాయాగ్రహణం అందించనున్నాడు. మైత్రీ మూవీ మేకర్స్, 14 రీల్స్ ప్లస్ సంస్థలు ఉమ్మడిగా ఈ చిత్రాన్ని నిర్మించనున్నాయి.
పెద్ది విజయోత్సవ వేడుకలో చిరంజీవి నేషనల్ అవార్డు గురించి ప్రస్తావిస్తూ రామ్ చరణ్ కది రావడం రాకపోవడం అసలు సమస్యే…
సూపర్ స్టార్ రజనీకాంత్ హీరోగా కమల్ హాసన్ నిర్మిస్తున్న 'ధర్మన్' ఇవాళ ఘనంగా ప్రారంభమయ్యింది. దర్శకులు మారుతూ వచ్చిన ఈ…
ఇంకో పది రోజుల్లో రావు బహదూర్ విడుదల కానుంది. సత్యదేవ్ ఎప్పుడూ లేనంత వైవిధ్యంగా వివిధ గెటప్స్ లో ఇందులో…
నిన్న పెద్ది సక్సెస్ మీట్ ఘనంగా జరిగింది. ప్రత్యేక ఆకర్షణగా చిరంజీవి నిలిచారు. గతంలో తండ్రి కొడుకుల స్టేజి కలయిక…
ప్రభుత్వాలు చేపట్టే కీలక కార్యక్రమాలకు పేర్లు సూచించే వారికి బహుమానాలు ఇస్తుంటాయి. అలానే కానుకలు కూడా ఇస్తాయి. గతంలో స్వచ్ఛ…
ఏపీ సీఎం చంద్రబాబు కీలక నిర్ణయం తీసుకున్నారు. గతంలో ఐదేళ్లు పాలించిన జగన్.. నానుస్తూ వచ్చి.. చివరకు తనకు సాధ్యంకాదని…