సంక్రాంతి సీజన్లో సందడి చేయాల్సిన భారీ చిత్రాఉల ఆర్ఆర్ఆర్, రాధేశ్యామ్ వాయిదా పడటంతో బంగార్రాజు మూవీ డ్రైవర్ సీట్లోకి వచ్చింది. ఆ సినిమాకు ట్రేడ్ వర్గాల్లో మాంచి డిమాండ్ ఏర్పడింది. ఉన్నట్లుండి ఈ సినిమా థియేట్రికల్ హక్కుల రేట్లు పెరిగిపోయినట్లు సమాచారం. ఇది పర్ఫెక్ట్ సంక్రాంతి ఎంటర్టైనర్ కావడం, పోటీలో ఈ స్థాయి సినిమా ఏదీ లేకపోవడంతో బయ్యర్లు కూడా ఫ్యాన్సీ రేట్లకు సినిమాను కొనడానికి రెడీ అయ్యారు.
సంక్రాంతి రోజు విడుదలకు జోరుగా సన్నాహాలు జరుగుతున్నాయి. కానీ రోజు రోజుకూ మారిపోతున్న పరిస్థితులు చూస్తుంటే మాత్రం విడుదల రోజుకు ఏం జరుగుతుందో అర్థం కావడం లేదు. రెండు మూడు రోజులుగా అనుకుంటున్నట్లే ఏపీలో థియేటర్ల ఆక్యుపెన్సీని 50 శాతం తగ్గించేశారు. అలాగే నైట్ కర్ఫ్యూ పెడుతుండటంతో సెకండ్ షోలు రద్దు చేయబోతున్నారు. ఇలాంటి ఆంక్షల మధ్య నాగ్ సినిమాను రిలీజ్ చేసి ఎలాంటి ఫలితాన్ని అందుకుంటాడో అన్నది సందేహంగా మారింది.
పోటీలో వేరే చిత్రాలు కూడా ఉన్నప్పటికీ.. బంగార్రాజుపైనే అందరి దృష్టీ ఉంది. ప్రేక్షకులతో పాటు ట్రేడ్ కూడా ఆ సినిమా కోసమే చూస్తోంది. దీనిపై పెట్టుబడులు కూడా కొంచెం పెద్ద స్థాయిలోనే ఉండబోతున్నాయి. ఈ నేపథ్యంలో ఈ ఆంక్షల మధ్య సినిమాను రిలీజ్ చేస్తే ఆశించిన రెవెన్యూ రావడం కష్టమే. ఐతే థియేటర్లు ఎక్కువ సంఖ్యలోనే అందుబాటులో ఉంటాయి కాబట్టి.. 50 శాతం ఆక్యుపెన్సీతోనూ మంచి రెవెన్యూనే రాబట్టవచ్చు.
గత ఏడాది సంక్రాంతికి క్రాక్ ఇలాంటి స్థితిలోనే భారీ వసూళ్లు తెచ్చుకుంది. కాకపోతే నైట్ షోలు రద్దయితే మాత్రం కష్టమే. కానీ ఇక్కడా ఓ వెసులుబాటు లేకపోలేదు. ఉదయం కాస్త ముందుగానే మార్నింగ్ షోలు మొదలుపెట్టి, కర్ఫ్యూ మొదలయ్యే సమయానికి నాలుగో షోను పూర్తి చేయొచ్చు. కానీ వారం తర్వాత కరోనా తీవ్రత ఇంకెంత పెరుగుతుందో.. అసలు థియేటర్లు పూర్తిగా మూతపడకుండా అందుబాటులో ఉంటాయా.. సినిమా రిలీజ్ చేశాక మధ్యలో రన్ ఆగిపోయే పరిస్థితి వస్తే ఎలా అన్న సందేహాలు చిత్ర బృందాన్ని కలవర పెడుతున్నాయి.
ఏపీలో కూటమి ప్రభుత్వం రెండేళ్ల పాలనను పూర్తి చేసుకుంది. మూడో ఏడాదిలోకి అడుగులు వేసింది. ప్రభుత్వం ఏం చేయాలన్నా.. మరో…
ఇటీవల నాగ్ అశ్విన్ తో ప్రభాస్ చేసిన ప్రమోషనల్ ఇంటర్వ్యూ నెట్టింట ఎంతగా వైరల్ అయిందో అందరికీ తెలుసు. అందులో…
ప్రధాన మంత్రి నరేంద్ర మోడీ.. పశ్చిమబెంగాల్లో శనివారం సాయంత్రం పర్యటించారు. ఈ సందర్భంగా ఆయన దేశవ్యాప్తంగా అన్నదాతలకు పీఎం-కిసాన్ నిధులను…
ఏపీ సీఎం చంద్రబాబు.. మరోసారి వైసీపీపై నిప్పులు చెరిగారు. గత ఐదేళ్ల కాలంలో గొడ్డలి పార్టీ(వైసీపీ) రాష్ట్రాన్ని ధ్వంసం చేయడం..…
ఏపీలో అంతకంతకూ పెరిగిపోతున్న కుల భావనపైనా, విపక్షాలు నిత్యం ఆరోపణలు గుప్పిస్తున్న శాంతి భద్రతల మీద జనసేన అధినేత, డిప్యూటీ…
వందల కోట్లతో తీసినా, తక్కువ బడ్జెట్ లో పూర్తి చేసినా ఏదైనా సినిమానే. వేసేది ప్రొజెక్టర్ వాడే తెరపైనే. చిన్నాపెద్దా…