Movie News

బాలయ్య సినిమా కోసం చిరు యాడ్స్

ఇప్పుడు అనుకోకుండా మెగాస్టార్ చిరంజీవి, నందమూరి బాలకృష్ణల మధ్య చిన్న అంతరం వచ్చింది. చిరు మీద చిన్నపాటి యుద్ధం ప్రకటించాడు బాలయ్య. అయితే చిరంజీవి ఎప్పుడూ బాలయ్యను ఉద్దేశించి ఏమీ అన్నది లేదు. బుధవారం కూడా బాలయ్య పుట్టిన రోజును పురస్కరించుకుని ప్రేమగా ఒక ట్వీట్ పెట్టాడు. ఒకప్పుడు బాలయ్య సినిమాకు తన వంతుగా ప్రమోషన్ కూడా చేసిపెట్టిన పెద్ద మనసు చిరంజీవిది.

ఈ అరుదైన సంఘటన 1991లో జరిగింది. ఆ ఏడాది జులై 18న నందమూరి బాలకృష్ణ మైల్ స్టోన్ మూవీ ‘ఆదిత్య 369’ విడుదలైంది. అప్పట్లో అదో పెద్ద సంచలనం. అప్పటి తెలుగు సినిమా మార్కెట్‌ను మించి కోటిన్నర దాకా ఖర్చు పెట్టి ఈ సినిమా తీశారు నిర్మాత శివలెంక ప్రసాద్. విడుదలయ్యాక సినిమాకు మంచి స్పందనే వచ్చింది కానీ.. ఇలాంటి అరుదైన చిత్రాన్ని మరింతగా జనాల్లోకి తీసుకెళ్లాలని అనుకున్నారాయన.

ఇదొక ప్రయోగాత్మక చిత్రం కాబట్టి ఫ్యామిలీ ఆడియన్స్ దూరమైపోతారేమో.. వాళ్లను కూడా థియేటర్లకు రప్పించడానికి ఏదైనా చేయాలనుకున్నారు. ఇందుకోసం చిరంజీవితో యాడ్స్ చేయించాలనుకున్నారు బాలయ్య, ప్రసాద్. వారి విన్నపానికి చిరు అంగీకరించారు. చిరుతో ఈ సినిమా గొప్పదనం చెప్పిస్తూ యాడ్స్ తయారు చేయించి దూరదర్శన్‌లో వేశారు. అవి కుటుంబ ప్రేక్షకుల్ని ఆకట్టుకున్నాయి. వాళ్లు పెద్ద ఎత్తున థియేటర్లకు వెళ్లారు. సినిమా అంచనాల్ని మించి విజయం సాధించింది.

పెట్టుబడి మీద ఆరు రెట్లు.. అంటే రూ.9 కోట్ల దాకా వసూళ్లు రాబట్టింది. బ్లాక్ బస్టర్ స్థాయిని అందుకుంది. అలా బాలయ్య సినిమాకు చిరు ఇతోధిక సాయం చేశారు. దీన్ని బట్టి బాలయ్యతో చిరుకు ఎంత మంచి స్నేహం ఉండేది.. ఒక మంచి సినిమాను జనాల్లోకి తీసుకెళ్లడానికి ఆయన ఎంతగా తపించేవారు అన్నది అర్థం చేసుకోవచ్చు. ఇలాంటి ఉదంతాల్ని దృష్టిలో ఉంచుకుని అయినా బాలయ్య ఇప్పుడు కొంచెం దూకుడు తగ్గించుకుంటే మంచిదేమో.

This post was last modified on June 10, 2020 9:36 pm

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

3 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

4 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

4 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

5 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

5 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

6 hours ago