ఆర్.ఆర్.ఆర్… తారక్ పార్ట్ తీసేస్తారట!

ఆర్.ఆర్.ఆర్. షూటింగ్ మళ్ళీ మొదలు పెట్టడానికి ఎలా సంసిద్ధమై వెళితే బాగుంటుందని రాజమౌళి టీం ప్రణాళిక వేసుకుంటోంది. జూన్ లో షూటింగ్ మొదలు పెట్టేద్దాం అనుకున్నారు కానీ జులైలో అయితే టెన్షన్ ఫ్రీ ఉండొచ్చని అప్పటికి ప్లాన్ చేస్తున్నారు. అయితే ఈ చిత్రం కోసం ఆలియా భట్ సీన్స్ కానీ, అజయ్ దేవగన్ సీన్స్ కానీ ఇప్పుడు చేయడం కష్టమని భావిస్తున్నారు.

కరోనా వైరస్ త్రెట్ బాగా తగ్గేవరకు బాలీవుడ్ నటులు అందుబాటులో ఉండరు కనుక వాళ్ళ పార్ట్ సెప్టెంబర్ తర్వాతకి వాయిదా వేసి, మిగతా భాగం తీయాలని చూస్తున్నారు. అంటే రామ్ చరణ్ పార్ట్ మొదలు కావడానికి సమయం పడుతుందన్నమాట. తారక్ తో చేయాల్సిన సీన్స్ తో పాటు, చరణ్ తో తారక్ కాంబినేషన్ సీన్స్ ముందు చేసేద్దాం అని డిసైడ్ అయ్యారట. దాంతో కొన్ని కాంబినేషన్ సీన్స్ మినహా తారక్ ఫ్రీ అయిపోతాడట.

ఆర్.ఆర్.ఆర్. షూటింగ్ ఎంత డిలే అయినా కానీ, తారక్ వర్క్ అయితే ఈ ఏడాది చివరిలోగా పూర్తి అవుతుందని, అతను త్రివిక్రమ్ సినిమా షూటింగ్ ఆ తర్వాత స్టార్ట్ చేసుకోవచ్చని అంటున్నారు. ఇక ఆచార్య కోసం రామ్ చరణ్ కి రాజమౌళి నుంచి ఇంకా క్లియరెన్స్ రాలేదు.