దర్శకుడు సుకుమార్తో అల్లు అర్జున్కు ఉన్న అనుబంధం గురించి కొత్తగా చెప్పాల్సిన పని లేదు. తొలి సినిమా ‘గంగోత్రి’ ఉన్నంతలో బాగానే ఆడినా.. ఆ సినిమాతో బన్నీకి నెగెటివ్ రిమార్క్సే పడ్డాయి. ఐతే ఆ తర్వాత సుకుమార్ దర్శకత్వంలో చేసిన ‘ఆర్య’తో అతడి కెరీర్ మారిపోయింది. ఆ చిత్రంతో స్టార్ అయిపోయాడు బన్నీ. ఆ తర్వాత ఎన్ని సినిమాలు చేసినా ‘ఆర్య’ ఎప్పటికీ బన్నీకి స్పెషల్. అలాగే తాను పని చేసిన దర్శకులందరిలో సుకుమార్ అతడికి చాలా ప్రత్యేకం. సుక్కు గురించి ఎప్పుడు మాట్లాడినా చాలా ఎగ్జైట్ అవుతాడు. అమితమైన ప్రేమాభిమానాలు చూపిస్తాడు.
ఇప్పుడు ‘పుష్ప’ రిలీజ్ ముంగిట సుక్కుతో కలిసి పాల్గొన్న ప్రెస్ మీట్లోనూ తన ఫేవరెట్ డైరెక్టర్పై ప్రశంసల జల్లు కురిపించాడు బన్నీ. ‘పుష్ఫ’ సినిమాను సుక్కు తీసిన విధానం చూసి తాను షాకైపోయినట్లుగా బన్నీ వెల్లడించాడు. ఈ సందర్భంగా బన్నీ ఒక ఆసక్తికర ఛాలెంజ్ కూడా చేయడం విశేషం.
‘‘పుష్ప సినిమాను ఒక హీరోగా కాకుండా ఒక ప్రేక్షకుడిలా చూసి చెబుతున్నా. సుకుమార్ గారు ఈ సినిమాను మామూలుగా తీయలేదు. ఒక కమర్షియల్ సినిమాను ఇలా కూడా తీయొచ్చా అనిపించారు సుక్కు. రేప్పొద్దున థియేటర్లలో ప్రేక్షకులు ఈ సినిమా చూస్తున్నపుడు వారికి పిచ్చెక్కిపోతుంది. మేం అనుకున్నట్లుగా మ్యాజిక్ వర్కవుట్ అయితే సినిమా లెవెలే వేరుగా ఉంటుంది.
కచ్చితంగా చెబుతున్నా.. ఈ సినిమా రిలీజయ్యాక దర్శకులంతా సుకుమార్ గారి దగ్గరికి వచ్చి ఇలా ఎలా తీశారు సార్ సినిమా అని అడుగుతారు. ఈ విషయంలో ఆయన దగ్గర క్లాసులు తీసుకుంటారు. ప్రతి సీన్ గురించి మాట్లాడతారు. ఆ సీన్లు ఎలా తీశారో అడిగి తెలుసుకుంటారు. అంత బాగా తీశారాయన ఈ సినిమా. ఇలా జరక్కపోతే నేను షర్ట్ విప్పేసి మైత్రీ ఆఫీసులో తిరుగుతా’’ అంటూ నవ్వేశాడు బన్నీ. మరి ఈ అల్లు హీరో చెబుతున్న రేంజిలో ‘పుష్ఫ’లో సుక్కు ఏం మ్యాజిక్ చేశాడో చూడాలి.
This post was last modified on December 17, 2021 6:52 am
టిల్లు స్క్వేర్ తో ఏకంగా వంద కోట్ల బ్లాక్ బస్టర్ ఖాతాలో వేసుకున్న సిద్దు జొన్నలగడ్డ ఒకపక్క జాక్, తెలుసు…
కొందరు డైరెక్టర్లు నిదానమే ప్రధానం సూత్రం పాటిస్తారు. నెంబర్ కన్నా నాణ్యత ముఖ్యమని ఆ దిశగా స్క్రిప్ట్ కోసమే సంవత్సరాలు…
వేసవిలో కీలక సమయం వచ్చేసింది. స్కూళ్ళు, కాలేజీలకు పూర్తి స్థాయి సెలవులు ఇచ్చేశారు. జనాలు థియేటర్లకు వెళ్లేందుకు మంచి ఆప్షన్ల…
ఏపీలో తలెత్తిన ఎన్నికల గుర్తు రగడ మరో మలుపు తిరిగింది. జనసేనకు కేటాయించిన ఎన్నికల గుర్తు గాజు గ్లాసును స్వతంత్ర…
టాలీవుడ్ దర్శకుల్లో క్రిష్ జాగర్లమూడిది డిఫరెంట్ స్టైల్. ‘గమ్యం’ లాంటి సెన్సేషనల్ మూవీతో మొదలుపెట్టి ఆయన వైవిధ్యమైన సినిమాలతో తనకంటూ…
ప్రస్తుతం తమిళ, తెలుగు భాషల్లో మోస్ట్ వాంటెడ్ లేడీ ఆర్టిస్టుల్లో వరలక్ష్మి శరత్ కుమార్ ఒకరు. ఆమె ఓవైపు లీడ్…