సల్మాన్ ఖాన్ సినిమాలకు టాక్తో సంబంధం లేకుండా వసూళ్ల మోత మోగడం మామూలే. తొలి రోజు అలవోకగా పదుల కోట్ల గ్రాస్ కలెక్ట్ చేస్తుంటాయి ఆయన సినిమాలు. డిజాస్టర్ టాక్ తెచ్చుకున్న రేస్-3, దబంగ్-3 చిత్రాలకు కూడా ఓపెనింగ్స్ వరకు ఢోకా లేకపోయింది. కొవిడ్ వల్ల బాలీవుడ్ సినిమాలకు గట్టి దెబ్బ తగలడంతో ఆయన చివరి సినిమా ‘రాధె’ను ఓటీటీలో రిలీజ్ చేసి బయటపడిపోయారు. కానీ ఈ మధ్యే మహారాష్ట్ర సహా నార్త్ మార్కెట్లో పూర్తిగా థియేటర్లు పున:ప్రారంభమై బాగానే నడుస్తుండటంతో సల్మాన్ కొత్త చిత్రం ‘అంతిమ్’ను ఈ శుక్రవారం ధైర్యంగా ప్రేక్షకుల ముందుకు తెచ్చారు.
ఐతే ఈ సినిమాకు ఆశించినంత మంచి టాక్ రాలేదు. రివ్యూలు మిక్స్డ్గా వచ్చాయి. అలాగని దీన్ని చెత్త సినిమా అని కూడా అనలేం. కాగా ఈ చిత్రానికి తొలి రోజు వచ్చిన వసూళ్లు షాకింగ్గా ఉన్నాయి.ఇండియాలో తొలి రోజు నాలుగున్నర కోట్ల లోపు గ్రాస్ రాబట్టింది ‘అంతిమ్’. సల్మాన్ కెరీర్లో గద పదేళ్లలో ఏ సినిమాకూ ఇంత తక్కువ వసూళ్లు రాలేదు. భాయ్ ఎంత చెత్త సినిమా చేసినా కనీసం రూ.15 కోట్ల గ్రాస్ గ్యారెంటీ అన్నట్లుండేది. అలాంటిది ‘అంతిమ్’కు మరీ ఇంత నామమాత్రపు వసూళ్లు రావడం చిత్ర బృందానికి జీర్ణం కావడం లేదు.
కొవిడ్ను సాకుగా చూపిద్దామంటే.. గత నెలలో రిలీజైన అక్షయ్ కుమార్ మూవీ ‘సూర్యవంశీ’ తొలి రోజు రూ.20 కోట్లకు పైగానే గ్రాస్ కలెక్ట్ చేసింది. ఆ చిత్రం ఆల్రెడీ రూ.200 కోట్ల క్లబ్లో చేరింది కూడా. ఈ సినిమా మూడో వీకెండ్లో సాధించిన వసూళ్లను కూడా ‘అంతిమ్’ అందుకునేలా కనిపించడం లేదు. ‘అంతిమ్’ సినిమాను ప్రధానంగా తన బావమరిది ఆయుష్ శర్మను ప్రమోట్ చేయడానికి, అతడి కెరీర్ను నిలబెట్టడానికి చేశాడు సల్మాన్. ఇందులో ఆయనది పూర్తి స్థాయి పాత్ర కాదు. సినిమాలో లేటుగా ఎంట్రీ ఇస్తుందా క్యారెక్టర్. వసూళ్లు మరీ తక్కువగా ఉండటంతో ఇది సల్మాన్ సినిమా కాదని, ఆయన ఇందులో ఎక్స్టెండెడ్ క్యామియో చేశాడని కవర్ చేసే ప్రయత్నం చేస్తున్నారు ఆయనకు అండగా నిలిచే పీఆర్వోలు, ట్రేడ్ పండిట్లు.
This post was last modified on November 28, 2021 2:03 pm
జనవరిలో మూడు వందల కోట్ల వసూళ్లతో సునామిలా విరుచుకుపడి ఇండస్ట్రీ హిట్ సాధించిన సంక్రాంతికి వస్తున్నాం సంచలనాలు ఇక్కడితో ఆగిపోవడం…
ఆగస్ట్ 14 మీద ట్రేడ్ వర్గాల్లో విపరీతమైన ఆసక్తి నెలకొంది. జూనియర్ ఎన్టీఆర్, హృతిక్ రోషన్ క్రేజీ మల్టీస్టారర్ వార్…
నటుడు శ్రీకాంత్ వారసుడిగా పెళ్లి సందడితో ఇండస్ట్రీకి వచ్చిన రోషన్ డెబ్యూ చేశాక నాలుగు సంవత్సరాలు గడిచిపోయాయి. 2021 తర్వాత…
వన్ మూవీ వండర్ లాగా ఎప్పుడో దశాబ్దం క్రితం బిచ్చగాడుతో బ్లాక్ బస్టర్ సాధించిన విజయ్ ఆంటోనీ పాతిక సినిమాలు…
ఒకప్పటి హీరో ఇప్పటి క్యారెక్టర్ ఆర్టిస్ట్ శివాజీలో ఎంత ప్రతిభ ఉన్నా ఆ మధ్య రాజకీయాల వైపు వెళ్లిపోవడంతో ఇండస్ట్రీకి…
టీడీపీ జాతీయ ప్రధాన కార్యదర్శి, ఏపీ మంత్రి నారా లోకేశ్ ఒక్కసారి మాటిచ్చారా? ఇక ఆ పని అయిపోయినట్టే. వాయిదా…