బంగార్రాజు సినిమా రెండు మూడు నెలల కిందటే సెట్స్ మీదికి వెళ్లింది. సంక్రాంతి రేసులోకి చాలా లేటుగా వచ్చిన సినిమా అది. అయితేనేం చకచకా షూటింగ్ పూర్తి చేసుకుంటూ ప్రమోషన్ల హడావుడి కూడా మొదలుపెట్టేసింది. ఈ సినిమా నుంచి తొలి పాట లడ్డుండాను ఇటీవలే విడుదల చేశారు. దానికి మంచి స్పందనే వచ్చింది.
సినిమా మొదలైన దగ్గర్నుంచి, విడుదలకు మధ్యలో చాలా తక్కువ టైం ఉన్నప్పటికీ.. ఓ వైపు షూటింగ్ చేస్తూనే, ఇంకోవైపు ప్రమోషన్ల గురించి పక్కాగా ప్లాన్ చేసుకుంది బంగార్రాజు బృందం. ఇక సంక్రాంతికి వస్తుందో తెలియదో కానీ.. పవన్ కళ్యాణ్ సినిమా భీమ్లా నాయక్ సైతం పాటలతో సందడి చేస్తూనే ఉంది. ప్రమోషన్ల పరంగా లోటు రాకుండా చూసుకుంటోంది. ఇక ఆర్ఆర్ఆర్ సంగతి చెప్పాల్సిన పని లేదు. ప్రమోషన్ల పరంగా హోరెత్తిస్తోంది.
కానీ సంక్రాంతికి వీటన్నిటికంటే ముందు బెర్తు బుక్ చేసుకున్న రాధేశ్యామ్ మాత్రం ప్రమోషన్ల పరంగా బాగా వెనుకబడి ఉంది. సినిమా మొదలై రెండేళ్లు కావస్తుండగా.. ఇప్పటిదాకా ఈ సినిమా నుంచి ఒక్కటంటే ఒక్క పాట రిలీజ్ చేయలేదు. ఇంతకుముందైతే షూటింగ్ అవ్వలేదు. రిలీజ్ డేట్ దూరంగా ఉందని ఆగారేమో. కానీ ఇప్పుడు పరిస్థితి మారింది. విడుదలకు రెండు నెలలే సమయం ఉండగా.. పాన్ ఇండియా లెవెల్లో రిలీజ్ కావాల్సిన సినిమా నుంచి ఒక్కటంటే ఒక్క పాట రిలీజ్ కాలేదు. ఇంకే రకమైన ప్రమోషన్లు కూడా లేవు.
గత నెల ప్రభాస్ పుట్టిన రోజుకు చిన్న వీడియో గ్లింప్స్ ఒకటి వదిలారు. అది మాస్కు అసలేమాత్రం ఎక్కలేదు. అసలే ప్రమోషన్ల పరంగా ముందు నుంచి వెనుకబడి ఉండగా.. రిలీజ్ దగ్గర పడే సమయానికి కూడా చిత్ర బృందంలో కదలిక లేకపోవడం ఆశ్చర్యం. యువి క్రియేషన్స్ అంటేనే ప్రమోషన్లు, అప్డేట్స్ ఉండవంటూ ప్రభాస్ అభిమానులు మండిపడటంలో ఆశ్చర్యం లేదనిపిస్తోంది వారి తీరు చూస్తే.
This post was last modified on November 12, 2021 7:10 am
ఫిలిం సెలబ్రెటీలు, రాజకీయ నేతలు ఏదో ఫ్లోలో కొన్నిసార్లు నోరు జారుతుంటారు. కొందరిని హర్ట్ చేసేలా మాట్లాడతారు. ఐతే తాము…
ఏపీలో రాజకీయాలు ఊపందుకున్న నేపథ్యంలో సంచలనాలు కూడా అదే రేంజ్లో తెరమీదికి వస్తున్నాయి. ప్రస్తుత ప్రధాన పార్టీలన్నీ కూడా.. పెద్ద…
ఆంధ్రప్రదేశ్ రాజకీయాలు అంటేనే బూతులు. మంత్రులూ, ఎమ్మెల్యేలు తేడా లేకుండా విపక్ష నాయకుల మీద బూతులతో విరుచుకుపడే తీరు రాజకీయాలంటేనే…
ఉమ్మడి విశాఖపట్నం జిల్లాలోని అనకాపల్లి పార్లమెంటు నియోజకవర్గంలో తీవ్ర కలకలం రేగింది. వైసీపీ వర్సెస్ బీజేపీ కార్యకర్త ల మధ్య…
నారా రోహిత్ చాలా గ్యాప్ తర్వాత నటించిన సినిమా ప్రతినిధి-2. ఒకప్పుడు తీరిక లేకుండా సినిమాలు చేస్తూ ఒకే సమయంలో…
రాయ్ బరేలీ నుండి పోటీకి దిగుతుంది అనుకున్న కాంగ్రెస్ అధినేత్రి సోనియాగాంధీ కుమార్తె ప్రియాంకా గాంధీ ఎందుకు పోటీ చేయలేదు…