బాక్సాఫీస్ వార్.. రవితేజ వర్సెస్ నాని!

2021 డిసెంబర్ లో చాలా సినిమాలు విడుదల కాబోతున్నాయి. అల్లు అర్జున్ ‘పుష్ప’ సినిమాతో పాటు బాలకృష్ణ ‘అఖండ’ లాంటి పెద్ద సినిమాలు రిలీజ్ కు సిద్ధమవుతున్నాయి. ఈ సినిమాలతో పాటు రవితేజ, నాని సినిమాలు కూడా వస్తున్నట్లు తెలుస్తోంది.

నానికి పోటీగా తన సినిమాను విడుదల చేయాలని రవితేజ నిర్ణయించుకున్నారు. ఇప్పటికే నాని ‘శ్యామ్ సింగరాయ్’ సినిమాను డిసెంబర్ 24న రిలీజ్ చేయబోతున్నట్లు అధికారికంగా ప్రకటించారు. దానికి తగ్గట్లే సినిమా ప్రమోషన్స్ ను మొదలుపెట్టారు.

ఈ సినిమా తెలుగు, తమిళ, మలయాళ, కన్నడ భాషల్లో ఒకేసారి విడుదల కానుంది. ఈ సినిమాపై ప్రేక్షకుల్లో మంచి అంచనాలు ఏర్పడ్డాయి. ఇప్పుడు ఈ సినిమాతో పాటు పోటీకి దిగుతున్నారు రవితేజ. ఆయన నటించిన ‘ఖిలాడి’ సినిమాను డిసెంబర్ 24న విడుదల చేయాలనుకుంటున్నారు. యాక్షన్ డ్రామాగా తెరకెక్కిన ఈ సినిమా ప్రమోషన్స్ ను కూడా షురూ చేశారు. వచ్చే ఏడాది జనవరి నుంచి మార్చి వరకు పెద్ద సినిమాలు రేసులో ఉన్నాయి.

‘ఆర్ఆర్ఆర్’, ‘రాధేశ్యామ్’, ‘ఆచార్య’, ‘ఎఫ్3’ ఇలా చాలా సినిమాలు వరుసగా విడుదల కాబోతున్నాయి. ఆ తరువాత వేసవి సినిమాలు క్యూ కడతాయి. అందుకే తన సినిమాను డిసెంబర్ లో విడుదల చేయాలని రవితేజ భావిస్తున్నారు. అదే టైంకి నాని సినిమా కూడా వస్తుండడంతో బాక్సాఫీస్ వార్ తప్పదనిపిస్తోంది. రమేష్ వర్మ డైరెక్ట్ చేసిన ‘ఖిలాడి’ సినిమాలో మీనాక్షి చౌదరి, డింపుల్ హయతి హీరోయిన్లుగా నటిస్తున్నారు.