హృతిక్ మాజీ భార్య రిలేషన్ లో ఉందా..?

బాలీవుడ్ స్టార్ హీరో హృతిక్ రోషన్ మాజీ భార్య సుసాన్ ఖాన్ రిలేషన్ లో ఉన్నట్లు బీ-టౌన్ టాక్. దీనికి సంబంధించి సోషల్ మీడియాలో ఓ పోస్ట్ వైరల్ అవుతోంది. హృతిక్ రోషన్ ను ప్రేమించి పెళ్లి చేసుకుంది సుసాన్ ఖాన్. 2000వ సమత్సరంలో హృతిక్ ను పెళ్లి చేసుకొని పద్నాలుగేళ్ల పాటు అతడితో కలిసి జీవించింది. కానీ ఇద్దరి మధ్య మనస్పర్థలు రావడంతో విడాకులు తీసుకున్నారు. అధికారికంగా వీరు వేరయినప్పటికీ.. పిల్లల కోసం కలుస్తుండేవారు.

ఇప్పటికీ కూడా హృతిక్-సుసాన్ తమ పిల్లలతో కలిసి ట్రిప్ లకు వెళ్తుంటారు. పెళ్లి బంధానికి గుడ్ బై చెప్పుకున్నప్పటికీ.. స్నేహితుల్లా కలిసి ఉంటున్నారు. అటు షారుఖ్ కానీ ఇటు సుసాన్ ఖాన్ రెండో పెళ్లి చేసుకోలేదు. కానీ ఇప్పుడు సుసాన్ రిలేషన్షిప్ ఉన్నట్లు తెలుస్తోంది. అతడు కూడా సినిమా ఇండస్ట్రీకి చెందిన వ్యక్తే కావడం విశేషం.

అతడి పేరు అర్స్లన్ గోనీ. సుసాన్ పుట్టినరోజు సందర్భంగా ఆమెకి విషెస్ చెబుతూ.. హ్యాపీ బర్త్ డే డార్లింగ్ అంటూ మొదలుపెట్టి ముద్దులతో ముగించాడు. ఈ పోస్ట్ చూసిన సుసాన్ వెంటనే రియాక్ట్ అవుతూ.. ‘మై ఎవ్రిథింగ్’ అంటూ రిప్లై ఇచ్చింది. ఇది చూసిన నెటిజన్లు రకరకాలుగా స్పందిస్తున్నారు. ఫైనల్ గా ఓపెన్ అయ్యారు.. ఇప్పుడు పెళ్లి చేసుకోండి అంటూ సలహాలు ఇస్తున్నారు. మరి వీరిద్దరూ నిజంగానే రిలేషన్ లో ఉన్నారా..? లేక మంచి స్నేహితులా..? అనే విషయంపై క్లారిటీ రావాల్సివుంది. సోషల్ మీడియాలో జనాలైతే మాత్రం సుసాన్ ఖాన్ రిలేషన్ లో ఉందని ఫిక్సయిపోయారు.