తెలుగులో చేసిన తొలి సినిమా ‘ఒక లైలా కోసం’ ఫ్లాప్. ఆ తర్వాత ఇక్కడ చేసిన ‘ముకుంద’ సైతం నిరాశ పరిచింది. వీటి కంటే ముందు తమిళంలో జీవా సరసన ‘మాస్క్’ అనే సినిమా చేస్తే అది కూడా ఫ్లాపే అయింది. ఇక హిందీలో ఎన్నో ఆశలు పెట్టుకున్న భారీ చిత్రం ‘మొహెంజదారో’ సంగతైతే చెప్పాల్సిన పని లేదు. పూజా హెగ్డే కెరీర్ ఆరంభంలో ఎదురైన చేదు అనుభవాలివి.
ఒక కథానాయికకు కెరీర్ ఆరంభంలో ఇలా వరుసగా పరాజయాలు ఎదురైతే ఐరెన్ లెగ్ ముద్ర వేసి సాగనంపేస్తారు. కెరీర్లో పుంజుకోవడం చాలా చాలా కష్టం. కానీ కెరీర్ను అలా మొదలుపెట్టిన పూజా హెగ్డే.. ఇప్పుడు ఇండియాలో అత్యంత డిమాండ్ ఉన్న హీరోయిన్లలో ఒకరు. ముఖ్యంగా టాలీవుడ్లో ఆమె ఊపు మామూలుగా లేదు. సెకండ్ ఇన్నింగ్స్లో ఆమె తెలుగులో చేసిన ‘దువ్వాడ జగన్నాథం’ అనుకున్నంతగా ఆడకపోయినా.. పూజాకు మాత్రం మంచి పేరే తెచ్చిపెట్టింది. దీంతో ఆమె వెనుదిరిగి చూసుకోవాల్సిన పని లేదు.
అల్లు అర్జున్, జూనియర్ ఎన్టీఆర్, మహేష్ బాబు, ప్రభాస్, రామ్ చరణ్.. ఇలా టాప్ స్టార్లు చాలామందితో సినిమాలు చేసేసింది పూజా. ఇక ఆ లీగ్లో మిగిలిన ఏకైక హీరో పవన్ కళ్యాణ్ మాత్రమే. హరీష్ శంకర్ పుణ్యమా అని పవర్ స్టార్తోనూ పని చేసే అవకాశం దక్కింది పూజాకు. పవన్ హీరోగా తాను తెరకెక్కించనున్న ‘భవదీయుడు భగత్ సింగ్’లో పూజానే హీరోయిన్ అని ‘మోస్ట్ ఎలిజిబుల్ బ్యాచిలర్’ ప్రి రిలీజ్ ఈవెంట్లో వెల్లడించాడు హరీష్.
ఇక తెలుగులో చిరంజీవి తరం సీనియర్ హీరోలను పక్కన పెట్టేస్తే.. టాప్ స్టార్లందరితో పూజా సర్కిల్ పూర్తి కాబోతోంది. వీళ్లు కాకుండా నాగచైతన్య, వరుణ్ తేజ్, అఖిల్ లాంటి యువ కథానాయకులతోనూ సినిమాలు చేసిందామె. ‘మోస్ట్ ఎలిజిబుల్ బ్యాచిలర్’ పూజా ఇంత డిమాండ్లో లేదు కానీ.. ఇకపై మిడ్ రేంజ్ హీరోలెవ్వరికీ ఆమె దొరికే పరిస్థితి లేదు. మరోవైపు తమిళంలో విజయ్ లాంటి టాప్ స్టార్ సినిమాతో కోలీవుడ్లోకి పూజా రీఎంట్రీ ఇస్తోంది. ‘బీస్ట్’ బాగా ఆడాలి కానీ.. అక్కడ కూడా టాప్ స్టార్లు ఆమె వెంటపడే అవకాశాలు లేకపోలేదు. ఇక హిందీలో సల్మాన్ ఖాన్, అక్షయ్ కుమార్ లాంటి బడా హీరోలతో పూజా సినిమాలు చేస్తుండటం విశేషం.
This post was last modified on October 9, 2021 6:14 pm
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…