దర్శకులు అప్పుడప్పుడూ లిరిసిస్టులుగా మారడం మామూలే. స్వతహాగా రచనా నేపథ్యం నుంచి వచ్చిన వారికి పాట రాయడం పెద్ద కష్టమేమీ కాదు. ఐతే పాట రాయడం వరకు ఓకే కానీ.. ఆ పాటను దర్శకుడే ఆలపించడం మాత్రం అరుదైన విషయమే. యువ దర్శకుడు శివ నిర్వాణ ఆ అరుదైన పనే చేశాడు. తన దర్శకత్వంలో తెరకెక్కిన కొత్త చిత్రం టక్ జగదీష్ కోసం ఒక పాట రాసి.. దాన్ని స్వయంగా ఆలపించాడు. టక్ జగదీష్లో హీరో పాత్రకు ఎలివేషన్ ఇచ్చే టక్ సాంగ్ ఇది కావడం విశేషం.
సల్లాటి కుండలో సల్లసుక్క మనసువాడు.. నువ్వు గిల్లి గిచ్చి రెచ్చగొడితే వచ్చి దంచుతాడు.. అంటూ అల వైకుంఠపురములో క్లైమాక్స్లో వచ్చే సిత్తరాల సిరపడు తరహా జానపద గేయం ఇది. ఈ పాటను ఒక ఆసక్తికర వీడియో ద్వారా లాంచ్ చేశారు.
ముందు సంగీత దర్శకుడు గోపీ సుందర్ ట్యూన్ వినిపించడం.. అది భలేగా ఉందని శివ దానికి సాహిత్యం సమకూర్చడం.. ఈ పాటను నాని పాడితే బాగుంటుందని శివ అనడం.. తర్వాత ఇద్దరూ కలిసి నాని దగ్గరికెళ్లడం.. అదనేమో అయిష్టత వ్యక్తం చేస్తూ ఈ పాటను శివనే ఆలపిస్తే బాగుంటుందనడం.. చివరికి శివనే ఈ పాటను ఆలపించడం.. ఇలా సాగింది ఈ వీడియో.
ఐతే సాహిత్యం వరకు ఓకే కానీ.. శివ ఈ పాట ఆలపించిన తీరైతే ఏమంత బాగా లేదు. ప్రొఫెషనల్ సింగర్ను పెడితే ఈ పాటకు ప్రత్యేకత చేకూరేది అనిపించింది. మరి సినిమాలో శివ వాయిస్ ఓకే అనిపిస్తుందేమో చూడాలి. ఇది బిట్ సాంగే కాబట్టి మరీ ఇబ్బంది లేకపోవచ్చు. ఈ చిత్రానికి తమనే సంగీత దర్శకుడు అయినప్పటికి.. ఈ మధ్య మరీ బిజీ అయిపోవడంతో నేపథ్య సంగీతంతో పాటు ఈ పాట వరకు గోపీసుందర్ బాధ్యత తీసుకున్నాడు.
This post was last modified on September 4, 2021 11:25 am
పెద్ద సినిమాలు నిర్మాణంలో ఉన్నప్పుడు వాటికి సంబంధించిన షాకింగ్ సంగతులు ఎప్పుడో తర్వాత సంవత్సరాల్లో బయట పడతాయి. అలాంటిదే ఇది…
https://www.youtube.com/watch?v=CAR8XtEpwhE గత ఏడాది దాస్ కా ధమ్కీ ఆశించిన స్థాయిలో గొప్ప ఫలితాన్ని ఇవ్వకపోయినా ఈ సంవత్సరం గామి విశ్వక్…
విశ్వాసం ఉండడం తప్పుకాదు.. కానీ, అతి విశ్వాసం ఎప్పుడూ.. కొంప ముంచేస్తుంది. ఇప్పుడు ఈ మాట ఎవరో అనడం లేదు.…
చరిత్రకు సంబంధించిన ఒక ముఖ్యమైన ఘట్టాన్ని తెరకెక్కించేటప్పుడు రీసెర్చ్ చాలా అవసరం. కానీ కొందరు దర్శకులు కేవలం మీడియాలో వచ్చిన…
ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి మీద రాయి దాడి ఘటన కొన్ని రోజుల పాటు ఎంత చర్చనీయాంశం అయిందో…
యూత్ హీరోల్లో బడ్జెట్ పరంగా ప్రామిసింగ్ గా మారుతున్న సుహాస్ కొత్త సినిమా ప్రసన్నవదనం మే 3 విడుదల కానుంది.…