తన ఆస్తుల లెక్కను చెప్పిన సుడిగాలి సుధీర్

అందగాడు కాదు. ఆ మాటకు వస్తే అంత ఫిట్ గా కూడా ఉండడు. సాదాసీదా పక్కింటి కుర్రాడిగా ఉంటాడు. అదే అతనికి వరమైంది. సెలబ్రిటీని చేయటమే కాదు.. ఇవాల్టి రోజున ప్రతి తెలుగింట్లోనూ సుపరిచితడు. అతడే.. సుడిగాలి సుధీర్. జబర్దస్త్ షో ద్వారా పరిచయమై.. తక్కువ కాలంలోనే ఆల్ రౌండర్ గా పేరును సొంతం చేసుకున్న సుడిగాలి సుధీర్.. తాజాగా ఒకషోలో తన ఆస్తుల లెక్క చెప్పి అందరిని ఆశ్చర్యానికి గురి చేశాడు.

గతంలో హైదరాబాద్ కు వచ్చిన కొత్తల్లో పడుకోవటానికి ప్లేస్ లేక.. రైల్వేస్టేషన్ లో పడుకున్న సుధీర్.. తాజాగా తాను కూడేసిన ఆస్తులు లిస్టు చెప్పి అందరిని ఆశ్చర్యానికి గురి చేశాడు. ఒకవైపు టీవీ షోలు.. మరోవైపు ఈవెంట్లలో పాల్గొనటం.. ఇంకోవైపు సినిమాల్లో నటిస్తున్న సుడిగాలి సుధీర్.. తాజాగా తన ఆస్తులు ఎంతన్నది చెబుతూ.. హైదరాబాద్ లో తాను రెండు సొంతిళ్లను ఏర్పాటు చేసుకున్నట్లు చెప్పారు. అంతేకాదు..పలు స్థిరాస్తులు కూడా ఉన్నాయని చెప్పాడు. హైదరాబాద్ మహానగరంలో ఇల్లు ఉంటే చాలు అనుకునే స్థాయి నుంచి రెండు ఇళ్లను సొంతం చేసుకోవటానికి మించింది ఏముంటుంది?

అంతేకాదు.. బాగానే కూడబెట్టినట్లుగా చెప్పుకొచ్చాడు. మొత్తానికి సున్నాతో జీవితాన్ని మొదలు పెట్టి.. కష్టంతో తనకంటూ ఒక ఇమేజ్ ను సొంతం చేసుకున్న సుడిగాలి సుధీర్ ను అభినందించాల్సిందే. అతడు చేసే కామెడీ.. అమ్మాయిల పిచ్చి మొత్తం రీల్ కు మాత్రమే పరిమితమని.. రియల్ జీవితంలో సక్సెస్ ఫుల్ అన్న విషయాన్ని తన చేతలతో చెప్పేశాడని చెప్పాలి.