మెగా వీడియో.. క‌నువిందే

ఈ ఆదివారం మెగా అభిమానులకు పండుగ రోజు. ఎందుకంటే ఈ రోజు మెగాస్టార్ చిరంజీవి జ‌న్మ‌దినం. ఈ సంద‌ర్భంగా గ‌తంలో ఎన్న‌డూ లేనంత సంద‌డి క‌నిపిస్తోంది సామాజిక మాధ్య‌మాల్లో. చిరు న‌టిస్తున్న రెండు చిత్రాల‌కు తోడు.. రాబోయే రెండు చిత్రాల విశేషాల‌ను ఈ రోజు పంచుకోవ‌డంతో సోష‌ల్ మీడియా చిరు నామ స్మ‌ర‌ణ‌తో హోరెత్తిపోతోంది.

అలాగే చిరంజీవి పాత సినిమాల వీడియోల‌తో, ఆయ‌న మీద ప్ర‌త్యేక‌మైన పోస్టుల‌తో అభిమానులు సంద‌డి చేస్తున్నారు. ఇంకా చిరు పుట్టిన రోజు నేప‌థ్యంలో సుమ ఆధ్వ‌ర్యంలో ట్విట్ట‌ర్ స్పేస్ కూడా పెట్టారు. ఈ సంద‌డిలా సాగుతుండ‌గానే ఒక వీడియో సోష‌ల్ మీడియాలోకి అడుగుపెట్టింది. మెగా అభిమానుల‌కు అది మామూలు కిక్ ఇవ్వ‌ట్లేదు.

ఎందుకంటే అందులో మెగా బ్ర‌ద‌ర్స్ చిరంజీవి, ప‌వ‌న్ క‌ళ్యాణ్‌, నాగ‌బాబుల‌తో పాటు వారి ఇద్ద‌రు సోద‌రీమ‌ణులు కూడా ఉన్నారు. ఆదివారం చిరు పుట్టిన రోజు నాడే రాఖీ పౌర్ణ‌మి పండుగ కూడా వ‌చ్చింది. దీంతో మెగా బ్ర‌ద‌ర్స్, సిస్ట‌ర్స్ అంతా చిరు ఇంట్లో క‌లిశారు. ఇద్ద‌రు సిస్ట‌ర్స్ ముగ్గురు బ్ర‌ద‌ర్స్‌కు రాఖీలు క‌ట్టి వారి నుంచి శుభాకాంక్ష‌లు, ఆశీర్వాదాలు అందుకున్నారు.

మెగా బ్ర‌ద‌ర్స్ ఇలా క‌ల‌వ‌డం అరుదే. ముఖ్యంగా ప‌వ‌న్ క‌ళ్యాణ్ ఎప్పుడో కానీ అన్న‌య్య‌ల‌తో క‌నిపించ‌డు. ముగ్గురూ కూడా చాలా ఉల్లాసంగా, సంతోషంగా క‌నిపించ‌డం.. చాలా చాలా క్యాజువ‌ల్‌గా గ‌డుపుతున్న‌ట్లుగా వీడియోలో ద‌ర్శ‌న‌మివ్వ‌డంతో ఇది సోష‌ల్ మీడియాలో వైర‌ల్ అవుతోంది.

మెగా అభిమానుల‌నే స‌హా అంద‌రినీ ఆక‌ట్టుకుంటోంది. వీడియోలో ఒక చోట నాగ‌బాబుకు ఆయ‌న సోద‌రి రాఖీ క‌డుతుంటే.. వెనుక ప‌వ‌న్ క‌ళ్యాణ్ లోప‌లి నుంచి నీళ్లు తీసుకొచ్చి త‌న చిరు-సురేఖ‌ల‌కు అందిస్తున్న దృశ్యం అభిమానుల‌ను మ‌రింత‌గా ఆక‌ర్షిస్తోంది.