తమ సినిమాలు విడుదలయ్యే ముందు అందరూ గొప్పలు చెప్పుకునేవాళ్లే. కొందరైతే మరీ మరీ శ్రుతి మించిపోయి స్టేట్మెంట్లు ఇచ్చేస్తుంటారు. దాని వల్ల కొన్నిసార్లు మంచి జరుగుతుంది, కొన్నిసార్లు చెడు జరుగుతుంది.
ముందు నుంచి స్టేజ్ల మీద చాలా అగ్రెసివ్గా మాట్లాడ్డం అలవాటైన యువ కథానాయకుడు విశ్వక్సేన్.. తన కొత్త చిత్రం పాగల్ గురించి ప్రి రిలీజ్ ఈవెంట్లో చేసిన కామెంట్లు సంచలనం రేపాయి. ఈ సినిమాతో మూసుకున్న థియేటర్లు కూడా తెరిపించేస్తా.. లేకుంటే పేరు మార్చుకుంటా అంటూ అతను ఇచ్చిన స్టేట్మెంట్ చర్చనీయాంశం అయింది.
ఇంకా సినిమా గురించి ఓ రేంజిలో చెప్పుకుంటూ పోయాడు విశ్వక్. ఐతే శనివారం థియేటర్లకు వెళ్లి సినిమా చూసిన ప్రతి ఒక్కరికీ విశ్వక్ కామెంట్స్ చాలా అతిగానే అనిపించాయి. ఫస్టాఫ్లో కొన్ని కామెడీ సీన్లు, విశ్వక్ పెర్ఫామెన్స్ వరకు ఓకే కానీ.. అంతకుమించి సినిమాలో ఏమంత విషయం లేదు. సీరియస్గా కథలోకి దిగిన దగ్గర్నుంచి సినిమా గాడి తప్పింది. దీంతో విశ్వక్ చెప్పిందేంటి.. సినిమాలో ఉన్నదేంటి అంటూ నెటిజన్లు రివర్స్లో అతణ్ని ఆడుకోవడం మొదలుపెట్టారు. మధ్యాహ్నం నుంచి విశ్వక్ బాగా ట్రోల్ అవుతున్నాడు.
ఐతే ఇలా ట్రోల్ అయితే అయ్యాడు కానీ.. ప్రి రిలీజ్ ఈవెంట్లో చేసిన కామెంట్లతో అతడి లక్ష్యం మాత్రం నెరవేరింది. పాగల్కు అడ్వాన్స్ బుకింగ్స్ అంచనాలకు మించి జరిగాయి. శనివారం రెండు తెలుగు రాష్ట్రాల్లో చాలా చోట్ల ఈ సినిమాకు ఫుల్స్ పడ్డాయి. చాలా చోట్ల మార్నింగ్ షోలకు టికెట్లు దొరకని పరిస్థితి కనిపించింది. ఇప్పుడు డివైడ్ టాక్ వల్ల వీకెండ్ తర్వాత సినిమా పరిస్థితి కష్టమే కావచ్చు కానీ.. వారాంతం వరకు ఈ సినిమా అంచనాలను మించి వసూళ్లు రాబట్టి నిర్మాతలు, బయ్యర్లను బయటపడేసేలాగే కనిపిస్తోంది.
This post was last modified on August 14, 2021 6:38 pm
ఏపీలో సార్వత్రిక ఎన్నికలు అంటే..అసెంబ్లీ+పార్లమెంటు ఎన్నికలు ఈ నెల 13న జరగనున్నాయి. అయితే.. రాష్ట్రంలోని 175 అసెంబ్లీ నియోజకవర్గాల్లో కొన్ని…
మాములుగా ఒక వెబ్ సిరీస్ గురించి సినిమా ప్రేక్షకులు ఎదురు చూడటం తక్కువ. కానీ హీరామండి ఈ విషయంలో తన…
ఇవాళ హరిహర వీరమల్లు కొత్త టీజర్ రిలీజ్ చేసి ఇకపై దర్శకత్వ బాధ్యతలు జ్యోతికృష్ణ చూసుకుంటాడని అధికారికంగా ప్రకటించడం అభిమానుల్లో…
టీడీపీ అధినేత చంద్రబాబు ప్రస్తుతం రాష్ట్ర వ్యాప్తంగా పర్యటిస్తున్నారు. సార్వత్రిక ఎన్నికల నేపథ్యంలో ఆయన విస్తృతంగా ప్రచారం చేస్తున్నారు. అటు…
బండ్ల గణేష్ ఆలియాస్ బ్లేడ్ గణేష్. నిజమే ఈ కమేడియన్ పేరు వింటే మొదటగా గుర్తొచ్చేది 7 ఓ క్లాక్…
ఏపీ అధికార పార్టీ వైసీపీ కీలక నాయకుడు, మంత్రి బొత్స సత్యనారాయణ సంచలన వ్యాఖ్యలు చేశారు. ఎన్నికల కోడ్ ఉందని…