నందమూరి బాలకృష్ణ-బోయపాటి శ్రీను కాంబినేషన్ అంటే అంచనాలు ఏ స్థాయిలో ఉంటాయో తెలిసిందే. వీరి కలయికలో వచ్చిన తొలి రెండు చిత్రాలు సింహా, లెజెండ్ బ్లాక్బస్టర్లవడంతో ఈసారి వీరి నుంచి వస్తున్న అఖండపై అంచనాలు ఇంకా పెరిగిపోయాయి. అందుకు తగ్గట్లే ఈ సినిమా నుంచి రిలీజ్ చేసిన రెండు టీజర్లకూ అదిరిపోయే రెస్పాన్స్ వచ్చింది.
బాలయ్య-బోయపాటి అంటే ప్రధానంగా యాక్షన్ ఘట్టాలు, హీరో ఎలివేషన్ సీన్లపై అంచనాలు ఎక్కువగా ఉంటాయి. అఖండలో వాటి డోస్ గత రెండు చిత్రాల కంటే ఎక్కువే ఉండబోతోందని స్పష్టమవుతోంది. ఈ సినిమా మేకింగ్లో భాగంగా దాదాపు సగం వర్కింగ్ డేస్ కేవలం యాక్షన్ ఘట్టాలకే అయ్యాయట. ఏకంగా 80 రోజులకు పైగా ఈ సన్నివేశాలను చిత్రీకరించారట.
ఈ విషయాన్ని అఖండ యాక్షన్ టీంలో భాగమైన స్టన్ శివనే స్వయంగా వెల్లడించాడు. అఖండ సినిమా షూటింగ్ పూర్తయిన విషయాన్ని కూడా అతనే చెప్పాడు. దీనిపై ట్వీట్ వేశాడు. అఖండ షూటింగ్ పూర్తయింది. మొత్తం యూనిట్ ఒక కుటుంబం లాగే సాగింది. ఇంటర్వెల్, ప్రిక్లైమాక్స్, క్లైమాక్స్, మిగతా యాక్షన్ సన్నివేశాల చిత్రీకరణకు 80 రోజులకు పైగానే పట్టింది అని అతను ట్విట్టర్లో పేర్కొన్నాడు.
సెట్లో వర్షంలో తడుస్తూ దర్శకుడు బోయపాటితో ఉన్న ఫొటోను కూడా అతను షేర్ చేశాడు. ఈ చిత్రానికి ముందు రామ్-లక్ష్మణ్ ఫైట్ మాస్టర్లుగా ఎంపికయ్యారు. కొన్ని రోజులు పనిచేశాక డేట్ల సమస్య రావడంతో వారు తప్పుకున్నారు. వారి స్థానంలోకి స్టన్ శివ వచ్చాడు.
పెద్ది, మా ఇంటి బంగారం తర్వాత ఈ సీజన్ లో బాక్సాఫీస్ కు మళ్ళీ జోష్ వచ్చింది. థియేటర్లు కళకళలాడుతున్నాయి.…
తమిళ సినిమాల్లో చాలా ఏళ్ల నుంచి తిరుగులేని ఆధిపత్యం చలాయిస్తున్నాడు అనిరుధ్ రవిచందర్. అతడి హవా తమిళానికే పరిమితం కావట్లేదు…
బూత్ స్థాయిలో బలోపేతం అయ్యే దిశగా జనసేన కసరత్తు షురూ చేసింది. ప్రస్తుతం రాష్ట్ర వ్యాప్తంగా పార్టీ నాయకులు ఉన్నప్పటికీ..…
ఏపీ రాజధాని అమరావతిలో రైతుల భూములను వారి అనుమతి లేకుండానే కూటమి సర్కారు లాక్కుంటోందని శనివారం పెద్ద రచ్చే జరిగింది. రాజధాని నిర్మాణం కోసం తమ భూములను…
లెనిన్ సినిమా ప్రమోషన్లలో హీరో అఖిల్ అక్కినేని గురించి ఒక ఇంట్రెస్టింగ్ కామెంట్ చేశాడు నిర్మాతల్లో ఒకరైన నాగవంశీ. లెనిన్…
పిల్లలు సంపద అని సీఎం చంద్రబాబు మరోసారి స్పష్టం చేశారు. తాను చెప్పిన మాటకే కట్టుబడి ఉన్నానని తెలిపారు. దీనిని…