హాలీవుడ్లో సూపర్ హీరో సినిమాలు సూపర్ పాపులర్. వాటికి ప్రపంచవ్యాప్తంగా భారీగా అభిమానులు ఉన్నారు. ఆ సినిమాల స్ఫూర్తితో ఇండియాలోనూ కొన్ని సూపర్ హీరో సినిమాలు తెరకెక్కాయి. కానీ మనకంటూ ప్రత్యేకంగా సూపర్ హీరో సినిమాలు తక్కువే. బాలీవుడ్లో హృతిక్ రోషన్ క్రిష్ సిరీస్ సినిమాలతో ఒక బ్రాండ్ క్రియేట్ చేసుకున్నాడు.
‘క్రిష్’ సిరీస్లో త్వరలోనే నాలుగో సినిమా కూడా రాబోతోంది. ఈ జానర్లో తెలుగులో దాదాపుగా సినిమాలు లేవనే చెప్పాలి. అప్పట్లో ఎన్టీఆర్ హాలీవుడ్ సినిమాల స్ఫూర్తితో ‘సూపర్ మ్యాన్’ పేరుతో ఓ సినిమా చేశాడు కానీ.. అదేమంత ఆకట్టుకోలేదు. ఇప్పుడు ఆ సినిమా చూస్తే చాలా కామెడీగా అనిపిస్తుంది కూడా.
ఐతే ఇప్పుడు టాలీవుడ్లో ప్రపంచ స్థాయికి ఏమాత్రం తగ్గని రీతిలో టెక్నాలజీని గొప్పగా ఉపయోగించుకుంటూ అద్భుతాలు ఆవిష్కరిస్తున్నారు టాలీవుడ్ దర్శకులు. ఇలాంటి టైంలో సూపర్ హీరో సినిమాలు చేస్తే బాగానే వర్కవుట్ అయ్యే అవకాశముంది.
టాలీవుడ్ మ్యాచో మ్యాన్ దగ్గుబాటి రానా ఇప్పుడు అదే ప్రయత్నం చేయబోతున్నాడు. తాను ఓ సూపర్ హీరో సినిమాలో నటించనున్నట్లు రానా తాజాగా ఓ ఇంటర్వ్యూలో వెల్లడించడం విశేషం. తన ఫ్యూచర్ ప్రాజెక్టుల గురించి చెబుతూ ఈ విషయాన్ని వెల్లడించాడతను. కానీ ఈ సినిమాకు దర్శకుడెవరు, ఏ ప్రొడక్షన్లో చేయబోతున్నాడు అన్నది మాత్రం వెల్లడించలేదు.
పవన్ కళ్యాణ్తో కలిసి చేస్తున్న ‘అయ్యప్పనుం కోషీయుం’ రీమేక్ తర్వాత తాను నటించబోయే సినిమా ఇదే అని రానా చెప్పడం విశేషం. చివరగా రానా ‘అరణ్య’తో పలకరించాడు. అది డిజాస్టర్ అయింది. అతను ప్రధాన పాత్ర పోషించిన ‘విరాటపర్వం’ విడుదలకు సిద్ధంగా ఉంది.
రానా ఆహార్యానికి సూపర్ హీరో పాత్ర బాగానే సూటయ్యే అవకాశముంది. దేశవ్యాప్తంగా మంచి గుర్తింపున్న రానా పాన్ ఇండియా లెవెల్లో సూపర్ హీరో సినిమా చేస్తే బాగానే వర్కవుట్ అయ్యే అవకాశముంది.
This post was last modified on July 23, 2021 2:10 pm
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…