తెలుగులో వెబ్ సిరీస్ల ఊపు అంతగా లేని టైంలో వచ్చిన ఒరిజినల్స్లో లాక్డ్ ఒకటి. ఆహా ఓటీటీని మొదలుపెట్టిన కొత్తలో తీసిన కొన్ని వెబ్ సిరీస్ల్లో ఇదొకటి. టాలెంటెడ్ యాక్టర్ సత్యదేవ్ ఈ సిరీస్లో లీడ్ రోల్ చేశాడు. న్యూరో స్పెషలిస్ట్ అయిన ఒక డాక్టర్ చుట్టూ తిరిగే కథ ఇది. కొత్త దర్శకుడు ప్రదీప్ దేవకుమార్ మంచి థ్రిల్లింగ్ మూమెంట్స్తో ఉత్కంఠభరితంగా ఈ సిరీస్ను తీర్చిదిద్దాడు. ఐతే దీనికి సరైన ప్రమోషన్ చేయకపోవడం వల్ల అనుకున్నంత పాపులర్ కాలేదు.
కానీ తెలుగులో వచ్చిన మంచి వెబ్ సిరీస్ల్లో ఇదొకటి అనడంలో సందేహం లేదు. ఇప్పుడీ సిరీస్కు సీక్వెల్ రాబోతుండటం విశేషం. తెలుగులో ఒక వెబ్ సిరీస్కు సీక్వెల్ రాబోతుండటం ఇదే తొలిసారి. వేరే కొన్ని సిరీస్లకు కూడా సీక్వెల్ సంకేతాలు వచ్చాయి కానీ.. అవేవీ పట్టాలెక్కలేదు. కానీ ఆహా వాళ్లు లాక్డ్కు సెకండ్ సీజన్ తీయడానికి రెడీ అయిపోయారు. ట్విట్టర్లో సత్యదేవ్తో ఒక ఆసక్తికర సంభాషణ మొదలుపెట్టి లాక్డ్-2 రాబోతున్న విషయాన్ని వెల్లడించారు.
తొలి సీజన్లో సత్యదేవ్తో పాటు సంయుక్త, శ్రీలక్ష్మి ముఖ్య పాత్రలు పోషించారు. ఐతే రెండో సీజన్లో సత్యదేవ్ మాత్రమే కొనసాగుతాడట. మిగతా ఆర్టిస్టుల్లో చాలామంది మారిపోతారని తెలుస్తోంది. ఈసారి ఇంకాస్త ఎక్కువ బడ్జెట్ పెట్టి సిరీస్ తీయబోతున్నారట. ప్రస్తుతం సత్యదేవ్ సినిమాలతో ఫుల్ బిజీగా ఉన్నాడు. తిమ్మరసు చిత్రాన్ని పూర్తి చేసిన అతను.. గుర్తుందా శీతాకాలంతో పాటు మరో మూడు చిత్రాల్లో నటిస్తున్నాడు. ఇంత బిజీ టైంలో లాక్డ్ రెండో సీజన్ చేయడానికి డేట్లు కేటాయించడం విశేషమే. అల్లు అరవింద్ వారి ఓటీటీ కోసం సిరీస్ చేయమంటే కాదని ఎలా అనగలడు మరి.
భోళా శంకర్ తర్వాత ఏడాదిన్నర గ్యాప్ ని మన శంకరవరప్రసాద్ గారు బ్లాక్ బస్టర్ దాదాపుగా పూడ్చేసింది. అయితే ఒకప్పటిలా…
పెద్దిలో కొత్త సీన్లు కలుపుతారని, కొంత ఎడిటింగ్ జరుగుతుందని కొద్దిరోజులుగా జరుగుతున్న ప్రచారానికి చెక్ పడింది. ఇవాళ జరిగిన ప్రెస్…
గీత రచయిత అనంత శ్రీరామ్ కు కోపం వచ్చేసింది. ఘాటుగా కాకపోయినా మాములుగా మాట్లాడుతూనే లేనిపోని విమర్శలకు తావు ఇచ్చినట్టయ్యింది.…
ఎంత సంపాదించినా.. అందులోంచి ఎంతో కొంత లేని వారికి ఇవ్వడంలో ఉండే సంతోషమే వేరు. ఈ ఆనందాన్ని అందరూ అనుభవించరు,…
స్టార్ హీరో హీరోయిన్లు నటించకపోయినా.. పేరున్న దర్శకుడు తీయకపోయినా.. స్టన్నింగ్ విజువల్స్తో ప్రేక్షకుల దృష్టిని ఆకర్షించి అంచనాలు పెంచిన సినిమా..…
తెలుగు సినిమా చరిత్రలోనే అతి పెద్ద కమర్షియల్ హీరోగా ఎదిగిన ఘనత మెగాస్టార్ చిరంజీవి సొంతం. 90వ దశకంలో జగదేక…