ఈ మధ్యకాలంలో చాలా మంది కోలీవుడ్ హీరోలు తెలుగులో ఎంట్రీ ఇవ్వడానికి మక్కువ చూపుతున్నారు. ఇప్పటికే ధనుష్, విజయ్ లాంటి స్టార్ హీరోల ప్రాజెక్ట్ లు కన్ఫర్మ్ అయ్యాయి. త్వరలోనే సూర్య కూడా తెలుగు స్ట్రెయిట్ సినిమాలో నటిస్తారని అంటున్నారు. ఇక రీసెంట్ గా కోలీవుడ్ యంగ్ హీరో శివ కార్తికేయన్ కూడా తెలుగు డెబ్యూకి రెడీ అయినట్లు వార్తలు వచ్చాయి. ఇప్పటికే ఈ హీరో నటించిన తమిళ సినిమాలను తెలుగులో డబ్ చేసి విడుదల చేశారు.
వీటిల్లో ‘రెమో’ సినిమా బాగా క్లిక్ అయింది. ఇప్పుడు స్ట్రెయిట్ తెలుగు సినిమాతో ప్రేక్షకులను అలరించబోతున్నాడు. ‘జాతిరత్నాలు’ సినిమాతో మంచి గుర్తింపు తెచ్చుకున్న దర్శకుడు అనుదీప్.. శివ కార్తికేయన్ తో సినిమా చేయబోతున్నారు. ఏషియన్ సినిమాస్ సంస్థ ఈ ప్రాజెక్ట్ ను నిర్మించనున్నారు. అయితే ఈ సినిమా కోసం శివ కార్తికేయన్ కు రెమ్యునరేషన్ గా రూ.20 కోట్లు ఇవ్వబోతున్నారని సమాచారం.
నిజానికి టాలీవుడ్ లో ఈ రేంజ్ లో రెమ్యునరేషన్లు అందుకునేది స్టార్ హీరోలే. వాళ్లతో పోలిస్తే శివ కార్తికేయన్ కు తెలుగులో అంత క్రేజ్ లేదు. అలాంటిది ఈ హీరోకి ఇరవై కోట్లు ఇవ్వడానికి రెడీ అవుతున్నారంటే ఆశ్చర్యంగా ఉంది. కోలీవుడ్ లో ఈ హీరోకి నలభై కోట్ల మార్కెట్ ఉందట. అందుకే ఇరవై కోట్లు ఇవ్వడానికి ముందుకొచ్చారు. మరో ఇరవై కోట్లలో సినిమా తీయాలని ప్లాన్ చేస్తున్నారు. మరి నిర్మాతకు ఈ సినిమా ఏ రేంజ్ లో లాభాలను తీసుకొస్తుందో చూడాలి!
This post was last modified on July 15, 2021 11:00 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…