తన సినిమాల్లో యాక్షన్ ఘట్టాలనే కాదు.. పాటలను కూడా ఉద్వేగభరితంగా, ఎంతో ఆకర్షణీయంగా తీస్తుంటాడు రాజమౌళి. చివరగా రాజమౌళి తీసిన బాహుబలిః కంక్లూజన్ సినిమాలో టైటిల్ సాంగ్.. అలాగే హంసనావ.. దండాలయ్యా పాటలు ప్రేక్షకులకు ఎంత గొప్ప అనుభూతినిచ్చాయో తెలిసిందే. ఇప్పుడు జక్కన్న నుంచి వస్తున్న ఆర్ఆర్ఆర్లోనూ అద్భుతమైన పాటలుంటాయని సమాచారం.
అందులోనూ హీరోలు జూనియర్ ఎన్టీఆర్, రామ్చరణ్ల మీద జక్కన్న ఒక ఎపిక్ సాంగ్ తీస్తున్నాడట. అది టాలీవుడ్లో ప్రత్యేకంగా నిలిచిపోయే పాట అవుతుందని చిత్ర వర్గాలు అంటున్నాయి. ఏకంగా 8 నిమిషాల నిడివితో సుదీర్ఘంగా, ఉద్వేగభరితంగా ఆ పాట సాగుతుందట. ఈ పాటకు అద్భుతమైన లిరిక్స్, ట్యూన్ రెడీ అయ్యాయని.. దీని చిత్రీకరణ కూడా ప్రత్యేకంగా ఉంటుందని సమాచారం.
ఈ పాటను దాదాపు 20 రోజుల పాటు చిత్రీకరించడానికి సన్నాహాలు జరుగుతున్నాయని.. కొత్త షెడ్యూల్లో ఈ పాటను షూట్ చేయబోతున్నారని తెలిసింది. ఇప్పుడు ఈ పాటకు సంబంధించిన విశేషాలు టాలీవుడ్లో చర్చనీయాంశంగా మారాయి. లాక్ డౌన్ కారణంగా రెండు నెలల కిందటే ఆర్ఆర్ఆర్ షూటింగ్ ఆపేశారు. జులైలో కొత్త షెడ్యూల్ మొదలుపెట్టడానికి సన్నాహాలు చేస్తున్నారు. చిత్ర ప్రధాన తారాగణమంతా షూటింగ్లో పాల్గొనబోతోంది. వీలైనంత త్వరగా చిత్రీకరణ పూర్తి చేసి.. ఆ తర్వాత దాదాపు ఆరు నెలలు పోస్ట్ ప్రొడక్షన్ పనులపై కూర్చోబోతున్నారు.
ఈ చిత్రాన్ని బహు భాషల్లో రిలీజ్ చేయాల్సి ఉండటం, వీఎఫ్ఎక్స్ పనులు కూడా చాలా ఉండటంతో పోస్ట్ ప్రొడక్షన్కు చాలా సమయం వెచ్చించాల్సి ఉంది. వీలును బట్టి వచ్చే సంక్రాంతికి లేదంటే వేసవికి ఈ సినిమాను ప్రేక్షకుల ముందుకు తేవాలని భావిస్తున్నారు.
This post was last modified on June 20, 2021 9:53 am
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…