Movie News

శిష్యుడి సాయం తీసుకుంటున్న త్రివిక్రమ్

త్రివిక్రమ్ శ్రీనివాస్ సినిమా అంటే.. రైటింగ్ క్రెడిట్ పూర్తిగా ఆయనకే వెళ్లిపోతుంటుంది. రచన-దర్శకత్వం: త్రివిక్రమ్ అనే చూస్తుంటాం. రచనా సహకారం అంటూ కూడా పేర్లు కనిపించడం అరుదు. ఆయన ఎవరి నుంచి రచనా సహకారం తీసుకోరా.. లేక తీసుకున్నా ఎవరికీ క్రెడిట్ ఇవ్వడా అన్నది తెలియదు మరి.

త్రివిక్రమ్ రైటింగ్ టీంలో ఎవరుంటారో కూడా పెద్దగా పేర్లు బయటికి రావు. ఆయన శిష్యులుగా ఇండస్ట్రీలో చలామణి అయిన వాళ్లు కూడా తక్కువే. ఆ కొద్ది మందిలో వెంకీ కుడుముల ఒకడు. త్రివిక్రమ్ బ్రాండుతో దర్శకుడిగా అరంగేట్రం చేసి.. వరుసగా రెండు విజయాలందుకున్నాడతను. ఛలో, భీష్మ సినిమాలతో మంచి పేరు సంపాదించి.. హ్యాట్రిక్ హిట్ కొట్టడానికి సన్నాహాలు చేసుకుంటున్నాడతను. ‘ఉప్పెన’తో హీరోగా పరిచయం అయిన వైష్ణవ్ తేజ్ హీరోగా అతనో సినిమా రూపొందించనున్నట్లు వార్తలొస్తున్నాయి.

ఐతే దర్శకుడిగా మూడో సినిమా పనులు చూసుకుంటూనే.. తన గురువు కోసం వెంకీ పని చేయబోతున్నాడన్నది తాజా సమాచారం. గత ఏడాది ‘అల వైకుంఠపురములో’తో నాన్ బాహుబలి హిట్ ఇచ్చిన త్రివిక్రమ్.. దీని తర్వాత మహేష్ బాబుతో పని చేయనున్న సంగతి తెలిసిందే. ఇటీవలే ఈ ప్రాజెక్టును అనౌన్స్ చేశారు. ఈ సినిమాకు రైటింగ్, డైరెక్షన్ డిపార్ట్‌మెంట్లో వెంకీ పని చేయబోతున్నాడట. దర్శకుడిగా మారి మంచి పేరు సంపాదించాక ఇలా తిరిగి రైటింగ్, డైరెక్షన్ డిపార్ట్‌మెంట్లో పని చేయడం అరుదుగా జరుగుతుంటుంది.

ఐతే ఇది చాలా పెద్ద ప్రాజెక్టు. త్రివిక్రమ్‌ చాలా ప్రతిష్టాత్మకంగా తీసుకుంటున్నాడు కూడా. మహేష్‌తో ఇంకతుముందు తీసిన రెండు సినిమాలు కమర్షియల్‌ ఫెయిల్యూర్లుగా నిలిచిన నేపథ్యంలో ఈసారి బ్లాక్‌బస్టర్ ఇవ్వాలన్న పట్టుదలతో ఉన్నాడు మాటల మాంత్రికుడు. ఈ నేపథ్యంలోనే శిష్యుడి సాయం తీసుకుంటున్నాడట. వెంకీ మీద మహేష్‌కు కూడా మంచి గురి ఉంది. అతడితో మహేష్ కథా చర్చలు కూడా జరిపాడు. మహేష్ నిర్మాణంలో వెంకీ ఓ సినిమానో, వెబ్ సిరీసో తీయబోతున్నాడని కూడా వార్తలొచ్చాయి. ఈ నేపథ్యంలోనే మహేష్-త్రివిక్రమ్ చిత్రానికి వెంకీ రచనా సహకారం అందిస్తున్నట్లుగా తెలుస్తోంది.

This post was last modified on May 5, 2021 8:02 am

Share

Recent Posts

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

11 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

30 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

46 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

56 minutes ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

60 minutes ago

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

2 hours ago